• USD 389.52
  • EUR 429.21
  • RUB 6.07
  • CNY 54.94
28 Qańtar, 14:49:57
Qazaqstan Ýkraınanyń saýda naryǵyna alańdaýly

10 Jeltoqsan, 2019 NEWS

Almatydaǵy aqyly avtoturaqtardan túsken qarajat qaıda jumsalady?

«Almaty spestehparkıng servıs» kompanııasynyń qyzmettik kóligi

10 jeltoqsanda «Almaty spestehparkıng servıs» kompanııasynyń basshylyǵy baspasóz-týry barysynda «A-Parkıng» jobasynyń 2019 jyldaǵy jumys nátıjeleri týraly esep berdi.
 
Bıyl Almatyda trotýarlyq úlgidegi 1012 jańa turaq aımaǵy ashylyp, qoldanystaǵy trotýarlyq jáne alańdyq úlgidegi turaq keńeıtilgen. «A-Parkıng» júıesinde qazir 11 683 jańa turaq orny paıda boldy, onyń 6109-y trotýarlyq bolsa, 5574-i alańdyq túrdegi turaq orny.
a
 
Sońǵy derekterge saı Almaty qalasynyń biryńǵaı avtomattandyrylǵan turaq keńistigin damytýǵa 3,96 mlrd teńge ınvestısııa tartylǵan. Aqyly avtoturaqtar júıesi jumys istegen ýaqyttan beri memlekettik bıýdjetke 1,7 mlrd teńge tústi, onyń 561 mln-y – salyq aýdarymdary, 267 mln-y – kólik turaǵy úshin tólemder, 247 mln-y – memleketke mindetti tólemder. 622 mln teńge qala bıýdjetine jol-qaýipsizdik erejesin buzǵany úshin aıyppul túrinde tústi. Bul qarajat Almaty qalasynyń kólik jáne jol jelisiniń jaǵdaıyn jaqsartýǵa baǵyttalǵan.
 
«Almaty spestehparkıng servıs» JShS dırektory Marat Prinbekovtyń aıtýynsha, avtokólik ıeleri árbir saǵat úshin tóleıtin 100 teńgeniń 58 teńgesi kólik turaǵyn materıaldyq-tehnıkalyq uıymdastyrýǵa baılanysty shyǵystarǵa jumsalady (oǵan jabdyqty amortızasııalaý, IT-qyzmetter, qosalqy bólshekter men shyǵyn materıaldaryn satyp alý kiredi), 27 teńge memleketke salyq jáne mindetti tólemder úlesine, 16 teńge – jalaqyǵa, 10 teńge – ákimshilik shyǵystardy quraıdy, 5 teńge-tólem qabyldaý jáne ınkassasııa jónindegi komıssııa.
 
Nátıjesinde búgingi kúni ár turaq ornyn paıdalanýdan kompanııa 16 teńge shyǵyn kóredi. Alaıda, kompanııanyń bıznes jobasy 10 jylǵa eseptelgen, ınvestısııany qaıtarý joba jumysynyń 6-jylynan bastap kózdelgen.
 
Baspasóz týry barysynda «A-Parkıng» servısiniń sapasyn jaqsartý jáne kemshilikterdi joıý boıynsha jumys jalǵasatyny aıtyldy. Atap aıtqanda, aqyly avtoturaq aımaqtarynda múgedekterge arnalǵan belgiler men jol belgilerin salý boıynsha eskertýler joıylady, múmkindigi shekteýli júrgizýshilerdiń yńǵaılylyǵy úshin turaq oryndarynyń nysandaryn qaıta jańartý júrgizilýde.
Ilmek sózder: Aqyly avtoturaq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir