10 Jeltoqsan, 2019 NEWS

Zelenskıı "shpargalkamen" ustalyp qaldy (vıdeo)

mk.ru

Álem nazary aýǵan "normand tórttiginiń" Parıjde ótken kezdesýinde birqatar oǵash oqıǵalar men qyzyqty sátter boldy. Ony baıqap qalǵan jýrnalıster jarysa jazyp jatyr. 

Máselen, mk.ru saıtynyń jazýynsha, tórttik májilis zalyna kirgen kezde Zelenskıı Pýtınge arnalǵan kresloǵa qaraı týra tartqan. Alaıda "monsieur Poutine" dep jazylyp turǵan kresloǵa Reseı prezıdenti bettegen kezde ǵana Zelenskıı óziniń qateleskenin túsinip, basqa orynǵa jaıǵasty.

Zelenskıı oryndyqqa otyrǵan boıda qolyna birden sý alyp, qas pen kózdiń arasynda bolǵan oqys jaıttan minezin baıqatyp aldy. Osy bir sátte abdyrap qalǵannan ba, Ýkraına prezıdenti jýrnalısterge qarap sýretke túsý kerek ekenin túsinbeı qaldy. Ásili, bul ýaqytta Zelenskııge Makron men Pýtınge qaraýǵa nusqaý berilgen edi.

Ol – ol ma, Vladımır Zelenskııdiń Parıjdegi sammıtke dep daıyndaǵan sózi óziniń ana tili – ýkraın tilinde emes, orys tilinde jazylǵany reseılik jýrnalısterdiń nazaryna iligip qaldy. Ýkraına prezıdentiniń "shpargalkasyn" Kreml pýlynyń tilshisi Dmıtrıı Smırnov sýretke túsirip alǵan.

a

Aıta keteıik, "normand tórttiginiń" kezdesýine Reseı, Ýkraına, Fransııa jáne Germanııanyń basshylary – Vladımır Pýtın, Vladımır Zelenskıı, Emmanýel Makron jáne Angela Merkel bir ústel basynda sóz jarystyrdy.

Kezdesýdiń negizgi maqsaty – Ýkraınanyń ońtústik shyǵysyndaǵy daǵdarys máselesin sheshý-tuǵyn.

Bul – Reseı jáne Ýkraına prezıdentteriniń alǵashqy kezdesýi. Buǵan deıin olar tek telefon arqyly sóılesken.

Qozybaı QURMAN

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir