• USD 389.52
  • EUR 429.21
  • RUB 6.07
  • CNY 54.94
22 Qańtar, 12:43:30
Qazaqstan Ýkraınanyń saýda naryǵyna alańdaýly

10 Jeltoqsan, 2019 NEWS

Resmı málimdeme. Qytaı úkimeti AQSh-ty eldiń ishki isine aralasty dep aıyptady

life.ru

Qytaı Halyq Respýblıkasyndaǵy Qytaı-qazaq radıo jelisinde Qytaıdyń Shyńjań uıǵyr avtonomııalyq aýdanyndaǵy etnostyq toptarǵa (ishinde etnıkalyq qazaqtar da bar) qatysty Qytaı úkimetiniń resmı málimdemesi jarııalandy. Osy rette Qamshy.kz aqparat agenttigi atalǵan qujattyń esh árpin ózgertpesten oqyrmanǵa usynǵandy jón kórdi. "Shyńjańnyń tynysh, berekeli, gúldenip-kórkeıgen tamasha jaǵdaıyn batyl qorǵaıyq" degen taqyrypta jarııalanǵan málimdemede bylaı delingen:

"Qazir Shyńjańnyń qoǵamy jarasymdy, ornyqty, ekonomıkasy baıandy damyp, halqy alańsyz tirshilik etip, tarıhtaǵy eń tamasha gúldený, damý kezeńinde tur. Biraq AQSh-taǵy keıbireýler Shyńjańnyń tamasha jaǵdaıyn kórgisi kelmeı,  oryndy-orynsyz aıyptap, shyndyqty elemeı, aq pen qarany shatastyratyn sózder aıtyp, Shyńjańdy barynsha qaralady. AQSh parlamenti qaýym palatasy 3 jeltoqsan kúni "Uıǵyr aktisin" maquldap, Sınszıannyń adamdyq quqyq jaǵdaıyna barynsha shabýyl jasady, bul Qytaıdyń ishki isine dórekilikpen kıligip, halqaralyq zań men halqaralyq qatynastyń negizgi ólshemin aýyr dárejede aıaqasty etkendik".

Budan ári Shyńjań uıǵyr avtonomııaly aýdany men ondaǵy ár ult halqy buny qatań aıyptaıtynyn, bundaı áreketke batyl qarsy turatynyn jetkizgen.  

"Shyńjańnyń tynysh, berekeli, gúldenip-kórkeıgen tamasha jaǵdaıy ońaı-ospaq qolǵa kelgen joq. Qytaı úkimeti Shyńjańdaǵy ár ult halqyn barynsha aıalap, barynsha qasterleıdi, syrtqy kúshterdiń kıligýine áste jol bermeıdi. Túrli jala jabý Shyńjańdaǵy ár ult halqynyń yntymaqtasa alǵa basý qadamyn bógeı almaıdy; túrli ósek-aıań Shyńjańnyń adamdyq quqyq isteriniń damýy men alǵa basýy syndy shyndyqty joqqa shyǵara almaıdy; túrli qaskúnemdik Shyńjańnyń damý, gúldený barysyna kedergi bola almaıdy. Biz AQSh-taǵy keıbir adamdardy qyrǵı-qabaqtyq soǵys oıynan arylyp, obektıv shyndyqqa qurmetpen qaraýǵa, ózderiniń bóten nıetin iske asyrý úshin Shyńjańnyń obrazyna kúıe jaqpaýǵa, zorlyqshyl jolmen júre bermeýge shaqyramyz".

Aýdarǵan

Qozybaı QURMAN

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir