• USD 389.52
  • EUR 429.21
  • RUB 6.07
  • CNY 54.94
26 Aqpan, 13:21:56
Shyńjańdyq dúngen: Dereý qazaqtardan keshirim surańdar! (aýdıo)

09 Jeltoqsan, 2019 Barlyq aımaqtar

Elordada «JYR AMANAT» konsert-spektakli ótti

«Nur Otan» partııasy men Nur-Sultan qalalyq ákimdiginiń qoldaýymen elordada jyrshy-termeshilerdiń «Jyr-amanat» konsert-spektakli ótti. Jyrshylyq dástúrdi keńinen nasıhattap, ata-babadan jetken asyl murany jurtshylyqqa boıamasyz jetkizýdi maqsat etken bul keshte elimizdiń ár aımaǵyndaǵy jyrshylyq dástúrdiń ókilderi óner kórsetti. Atap aıtqanda, «Jetisý», «Mańǵystaý», «Qarataý», «Arqa», «Atyraý-Jaıyq», «Syr eli», «Aqtóbe» jyrshylyq dástúrleriniń ónerpazdary ulttyq ónerimizge shólirkegen qalyń kórermenniń ystyq yqylasyna bólendi.

Qazaqy jyr men dástúrli mýzykanyń ǵajaıyp keshin ashqan «Nur Otan» partııasy Tóraǵasynyń Birinshi orynbasary Baýyrjan Baıbek jınalǵan jurtshylyqty aldymen Táýelsizdik merekesimen quttyqtady. 1111

«Bul sharanyń osy merekege oraılastyrylýynda da mán bar. О́ıtkeni baǵzydan jetken bul jyrlarda ata-babamyzdyń armany men ańsary, azattyq, eldik ıdeıalary, keler urpaqqa amanaty jatyr. Dástúrli ónerimiz san ǵasyrlar boıy urpaq tárbıesine qyzmet etken. Sondyqtan da Táýelsizdiktiń alǵashqy sátinen-aq Elbasy, «Nur Otan» partııasynyń Tóraǵasy Nursultan Nazarbaev ultymyzdyń uly murasyn, ozyq dástúrleri men mádenı qazynasyn túgendeýge, olardy zamanǵa saı túletip, jańǵyrtýǵa erekshe den qoıdy. Halyqtyń partııasy retinde «Nur Otan» da ulttyq qundylyqtarymyzdy dáripteıtin is-sharalardy qoldap, onyń nasıhattalýy men damýyna barynsha úles qosyp keledi. Keshe ǵana ulttyq sport salasynyń úzdikteri marapattalǵan «Altyn tuǵyr» syılyǵyn tabys ettik. Ultymyzdyń tili men dili, mádenıeti men sporty, án-kúıleri men jaýhar jyrlarynsyz halqymyzdyń rýhy myqty bolmaq emes. Biz bolashaqta úlken jetistikterge jetemiz desek, ulttyq qundylyqtarymyz arqyly halqymyzdyń rýhyn kóterýimiz kerek. Bul baǵytta Prezıdent Qasym-Jomart Toqaev naqty tapsyrmalar berdi. Elimizdiń basty saıası uıymy – «Nur Otan» partııasynyń doktrınasynda qamtylǵan basty qundylyqtarymyzdyń biri de – otbasy men dástúr. Onda «qazaq tilin, mádenıet pen dástúrdi damytý bizdiń strategııalyq basymdyǵymyz» ekendigi naqty kórsetilgen», – dep atap ótti Baýyrjan Baıbek. 1111

«Nur Otan» partııasynyń Nur-Sultan qalalyq fılıalynyń tóraǵasy, Nur-Sultan qalasynyń ákimi Altaı Kólginov óziniń quttyqtaý sózinde terme men jyr keshine kelip, ulttyq ónerdi qoldaǵan qaýymǵa alǵys bildirdi.

«Tuńǵysh Prezıdent – Elbasy Nursultan Nazarbaevtyń tarıhı sheshiminiń arqasynda búginde Nur-Sultan qalasy qarqyndy damyp, beıbitshilik pen birlikti nasıhattaıtyn jáne sony ispen dáleldeıtin álem tanyǵan astanaǵa aınaldy. Qazir bas qalamyzda 1 mln 200 myńǵa jýyq halyq bar. Sonymen birge halqymyzdyń sany da ósip keledi. Mysaly, 1998 jyly Selınogradta taza qazaq tilinde oqytatyn bir ǵana mektep boldy. Qazir 36 taza qazaq tildi mektep bar, jalpy 88 bilim ordasynyń qalǵany aralas mektep. Bul – tilimiz ben dilimiz qaıta oraldy degen sóz. Elbasy saıasaty men kópultty memleketimizdiń birliginiń arqasynda osyndaı jetistikterge jetip otyrmyz. Qazirgi ýaqytta Prezıdent Qasym-Jomart Toqaev mádenıet salasyna, ulttyq qundylyqtarymyzdy qoldaýǵa jaǵdaı jasap, bizdiń aldymyzǵa naqty mindetter qoıyp otyr», – dedi Altaı Kólginov. 111

«Jyr-amanat» jyrshy-termeshiler keshi tuńǵysh ret erekshe formatta ótti. Jyr keshi konsert pen spektakl janryn úılestirdi. Al keler jyly «Jyr-amanat» konsert-spektakli partııanyń qoldaýymen Nur-Sultan qalasy kúnine oraı «Esildiń jaǵasynda jarqyraıdy bir qala» taqyrybynda uıymdastyrylmaq. 1111

Aıta keteıik, kúzde «Nur Otan» partııasynyń qoldaýymen, elimizdiń birqatar óńirinde aıtys festıvalderi uıymdastyryldy. Aıtys óneriniń dodasy 16-17 jeltoqsanda Oral qalasynda ótetin «Altyn dombyra» respýblıkalyq festıvalinde máresine jetedi. «Nur Otan» partııasynyń janyndaǵy «Mıras» respýblıkalyq qoǵamdyq keńesi músheleriniń bastamasymen memlekettik tildi damytý tetikterin pysyqtaý úshin arnaıy komıssııa qurylǵan bolatyn. 1111

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir