Araq. Temeki. Shegip júrmiz. Iship júrmiz! Nege?

Salaýatty ómir saltyn qalyptastyrý, temeki, esirtkige jolamaý, sondaı-aq ishimdik ishpeý jaǵynan qaı elden úlgi alýǵa bolady?

Bul jóninen TMD memleketteriniń ishinen ásirese, Soltústik Kavkaz aımaǵy birinshi orynda. Atap aıtar bolsaq, birinshi orynda Sheshenstan tur. Onan keıin Daǵystan, Kabardın-Balkar, Ingýshetııa, Soltústik Osetııa-Alanııa respýblıkalarynyń halqy salaýatty ómir saltyn qalyptastyrǵan. Olardyń basym kópshiligi temeki shekpeıdi, araq ishpeıdi, esirtki qoldanbaıdy.  Bul týraly https://ria.ru/ habarlady dep jazady Qamshy.kz aqparat agenttigi. 

Nege Kavkaz halqynyń ul-qyzdary ultqa jat jaǵymsyz áreketterden ada bolyp otyr. Munyń sebebin sarapshylar birneshe sebepten kóredi. Eń bastysy- bul otbasylyq tárbıeden. Otbasy qundylyǵy  men ádet-ǵurypty jáne dindi qatań ustanatyn kavkazdyqtar qazir bul jaǵynan basqalarǵa úlgi. Bir aıta keter jaıt, jastary jaǵymsyz ádetterden aýlaq júretin respýblıka retinde Tatarstan da atalǵan. Tatarlar alǵashqy ondyqqa engen. Demek, bulan shyǵatyn qorytyndy ne?

Islam dinin ustanatyn Reseıdiń atalǵan aımaqtary  qalaı aıtqanda da, tálimdi tárbıe men otbasylyq qundylyq jáne dinniń arqasynda jaǵymsyz ádetterden boıyn aýlaq ustaıtyny baıqalyp otyr.

Al Reseıdiń araqty kóp ishetin, temekini kóp shegetin, esirtkini kóp qoldanatyn  aımaǵy retinde Sibir, Soltústik jáne Qıyr Shyǵys, Sahalın, Magadan, sonymen qatar Iаmalo-Nenes avtonomııalyq okrýginiń turǵyndary atalǵan. Munyń sebebin sarapshylar eń aldymen qatań klımattyq jaǵdaıdan dep otyr. Bul ǵana emes, basqa da sebepteri bar ǵoı.

Al biz jaǵymsyz ádetterden qanshalyqty adamyz? Qazaqstanda qansha adam temeki shegedi? Sarapshylardyń zertteýine qaraǵanda, 4 mıllıon adam shamasynda. Jaqsy emes.

Al orta eseppen ár qazaqstandyq jylyna 9 lıtr araq ishedi. Bul jaǵynan Eýrazııa qurlyǵy boıynsha 19, al álem boıynsha Qazaqstan 77 orynǵa shyqqan.
Sondaı-aq Qazaqstanda 126 myń adam ishimdikke táýeldi retinde tirkelgen.