Vladımır Zelenskıı: Men bir nárseden ǵana qorqamyn

Endi bir-eki kúnnen keıin, ıaǵnı 9 jeltoqsan kúni Parıjde «normand tórttiginiń» kezdesýi ótedi. Oǵan Ýkraına, Reseı, Germanııa jáne Fransııa basshalary qatysady. Basty másele – Ýkraına terrıtorııasyndaǵy jaǵdaı jáne Mınsk kelisimin júzege asyrý.

Biraq álem nazaryn aýdaryp otyrǵan bul kezdesýdiń nátıjesi qalaı bolatyny áli belgisiz. Alaıda ýkraın basshysy Vladımımr Zelenskıı bul kezdesýden qorqynyshy baryn da jasyrmady. Bul ne úreı? Zelenskıı Pýtınmen kezdesýden jasqanyp otyr ma?

–Men onymen kezdesýden úreılenip, qashqaqtap otyrǵanym joq. Júzdesý nátıjesiz aıaqtalsa, eń jamany sol. Bul sátte meniń júıkem syr berýi múmkin. Kez kelgen kelissóz qol alysyp, sóz baılasyp, jospardy talqylap, jan-jaqqa bosqa tarap ketý emes. Men nátıjesiz kezdesýdi qalamaımyn. Eń qorqatyn nársem de sol. Bul – aqıqat, – dedi Vladımr Zelenskıı jýrnalısterge bergen suhbatynda.

Eskerte keteıik, 2014 jyly kókteminde bastalǵan ózara teketiresten beri Donbass aýmaǵynda 3,3 myń adam qaza taýyp, 7 myń adam jaralanǵany belgili.  Bıylǵy jyldyń ózinde 18 beıbit turǵyn qaza taýyp, 124 adam jaraqat alǵan.