• USD 389.52
  • EUR 429.21
  • RUB 6.07
  • CNY 54.94
29 Qańtar, 21:53:27
Qazaqstan Ýkraınanyń saýda naryǵyna alańdaýly

06 Jeltoqsan, 2019 NEWS

Qazaq tilindegi aýdıokitap qosymshalardyń orny oısyrap tur

UCL zertteý ortalyǵy mamandarynyń aıtýynsha, adamnyń emosııasy aqparatty oqý kezinde emes, tyńdaý barysynda aıqyn baıqalady. Osy rette aýdıokitaptar qazirgi tańda bizge birqatar múmkindikter usynyp otyr. Sonyń ishinde, ýaqytty únemdep, oqý úderisin áldeqaıda jaǵymdy ete otyryp, densaýlyqqa da oń áserin tıgizedi.

Jýyrda kópshiliktiń kitap oqýǵa qatysty pikirin bilý maqsatynda 19-35 jas aralyǵyndaǵy áleýmettik jeli (Instagram, VK)  qoldanýshylary arasynda saýalnama júrgizgen edik. Pikirterimde «kitapty qandaı formatta oqyǵan yńǵaıly?» degen saýal qoıyldy.

Saýalnamaǵa qatysqandardyń 12 paıyzy kitap oqymaıtyny anyqtaldy. Suralǵandardyń 16%-y baspa kitapty oqyǵandy qup kóredi. Biraq olardyń sózinshe baspa kitaptar oqýǵa yńǵaıly bolǵanymen, baǵa turǵysynan tıimsiz. Orta eseppen bir kitaptyń quny 3500-5000 teńge turady. Sol sebepten bolar, qatysýshylardyń 29 paıyzy kitapty elektrondyq nusqada oqyǵandy unatady eken. Qalǵan 43%-y barlyq jaǵynan tıimdi ári yńǵaıly dep aýdıo nusqadaǵy kitaptardy tańdaǵan.

a

Saýalnamaǵa qatysqandardy naryqta qazaqtildi aýdıokitaptardyń azdyǵy qynjyltatynyn baıqadyq. Sondyqtan basym kópshiligi álem ádebıeti men shetel avtorlaryn oqýǵa májbúr. Balalar da sheteldik ertegilerdi tyńdap ósip jatqany jasyryn emes.

Osy oraıda medıakeńistikke sholý jasap, App Store men Play Market platformalaryndaǵy aýdıokitap usynatyn qosymshalarǵa analız jasadyq. Eń kóp tyńdalymǵa ıe qosymshalardyń qataryna reseılik «Slýshaı aýdıoknıgı» jáne «Storytel» mobıldik qosymshalary engen. Olardyń reıtıngteri 4.7-ni quraıdy. Eń qyzyǵy, qosymsha qoldanýshylarynyń 30%-y bizdiń otandastar. Al qazaq tildi keńistiktegi «AudioKitap» qosymshasynyń qoldanýshylary tym az. О́ıtkeni ol jerdegi kontenttiń óz az. Búginde joǵary suranysqa ıe kitaptar tiziminde bıznes, psıhologııa, motıvasııalyq baǵyttaǵy eńbekter kósh bastap tur. Bálkim, qosymsha qoldanýshylarynyń azdyǵyna tanymal ádebıetterdiń qazaqtildi nusqasynyń bolmaýy áser etip jatqan shyǵar.

Bul olqylyqtyń ornyn toltyrýǵa talpynystar jasalmaı jatqan joq. Aıtalyq, otandyq «AiAt» aýdıo mobıldi qosymshasy motıvasııalyq, psıhologııalyq baǵyttaǵy álemdik bestsellerlermen qatar, sheteldik jáne otandyq ádebıettiń aýdıo nusqalaryn usynyp júr. Dese de bul jetkiliksiz. Sondyqtan áli de qazaq tilindegi aýdıokitap qosymshalardyń orny oısyrap tur.

Aısholpan Tankıeva

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir