06 Jeltoqsan, 2019 NEWS

Toqaev Ýkraınaǵa qatysty mańyzdy málimdeme jasady


QR prezıdenti Qasym-Jomart Toqaev Berlınde Germanııa kansleri Angela Merkelmen birlesken press-konferensııada Ýkraınaǵa qatysty málimdeme jasady, dep jazady Qamshy.kz aqparat agenttigi forbes.kz-ke silteme jasap.
 
– Bizdiń tuńǵysh prezıdentimiz izgi nıet bildirip, Qazaqstan aýmaǵyn kelissózder dánekeri retinde usyndy. Alaıda Ýkraına máselesi eń aldymen "normand formatynda" sheshilýi kerek dep oılaımyz. 9 jeltoqsanda Parıjde "normand tórttiginiń" otyrysy ótetini belgili. Biz jıynnyń sátti ótýine tileýlespiz. О́ıtkeni Ýkraınamen bizdi dástúrli dostyq pen áriptestik baılanystyrady. Bizdiń ýkraın halqyna degen qurmetimiz zor. Halyq beıbit, baqýatty ómirge laıyq dep esepteımiz, – dedi prezıdent.
 
Eskerte ketelik, Q.Toqaevtyń Germanııa sapary aldynda "Nemsova. Intervıý" baǵdarlamasyna bergen suhbaty barysynda Qyrym oqıǵasyna qatysty anneksııa sózin qoldanbaıtynyn aıtýy qyzý talqyǵa sebepshi bolǵan edi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir