• USD 468.56

  • EUR 497.56

  • RUB 7.3

  • CNY 67.18

29 Naýryz, 00:58:04
Almaty
+35°

6 jeltoqsanda bir top belsendi Nur-Sultan qalalyq polısııa departamentine baryp, 16 jeltoqsan qarsańynda ózderin qýdalamaýdy, sol kúni Jeltoqsan jáne Jańaózen oqıǵasy qurbandaryn eske alýǵa múmkindik berýdi talap etti dep jazady Qamshy.kz aqparat agenttigi Azattyqtyń deregin negizge alyp. 

Belsendilerdiń aıtýynsha, olar 16 jeltoqsanda konstıtýsııalyq quqyqtaryn paıdalanyp, mıtıngige shyqqysy keledi. Alaıda "mıtıng qarsańynda belsendilerdiń úıin ańdyp, olardy kósheden ustaý - polısııanyń ádeti".

- 1986 jylǵy Jeltoqsan jáne 2011 jylǵy Jańaózen oqıǵasy qurbandaryn eske alýǵa quqyǵymyz bar. Nege sútke, nanǵa, dárige shyqqan jerimizden alyp ketesińder? Meniń týystarymnyń balalary óldi, tanys-dostarymnyń jaqyndary óldi. Gúl shoǵyn qoıý - meniń paryzym. Quran oqýǵa múddelimin. 16 jeltoqsanda bizge tıispeńder! - dedi narazy áıelderdiń biri polıseılerge.

Polısııa ǵımaratynyń foıesinde narazy belsendiler "ózderin qýdalaǵan" polıseılerdi aıyptap, qýdalaýdy toqtatýdy talap etti. Olar qoldarynda birneshe sýret ustap turdy. Belsendilerdiń túsindirýinshe, bul - "ózderiniń úılerin ańdyp, izine túsken polısııa qyzmetkerleriniń sýreti".

Sálden soń olardyń aldyna qalalyq polısııa departamenti tóraǵasynyń birinshi orynbasary Baqytjan Malybaev shyqty. Ol narazy áıelderge kire beris joldy bógemeýin surap, máselelerdi ishke kirip talqylaýǵa shaqyrdy. Alaıda belsendilerdiń kóbi bul usynysqa kelisken joq.

Qazaqstan qoǵamy úshin memleket táýelsizdigin jarııalaǵan mereke kúni retinde atap ótiletin jeltoqsannyń 16-sy Qazaqstan tarıhynda bolǵan taǵy eki oqıǵamen mańyzdy. 1986 jyly jeltoqsanda Máskeýdiń sheshimine narazylyq tanytyp, Almatyda beıbit sherýge shyqqan stýdent jáne jumysshy qazaq jastaryn bılik kúshpen taratyp, keıin júzdegen adamdy qýǵynǵa salǵan. 2011 jyly Mańǵystaý oblysynyń Jańaózen qalasynda birneshe aıǵa sozylǵan munaıshylar ereýiline polısııa oq atqan. Resmı derek boıynsha, Jańaózen men Shetpedegi oqıǵalarda 17 adam qaza tapqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir