• USD 468.56

  • EUR 497.56

  • RUB 7.3

  • CNY 67.18

28 Naýryz, 14:36:18
Almaty
+35°

Aqparat jáne qoǵamdyq damý mınıstri Dáýren Abaev Ýkraınanyń SIM-ge jaýap berdi dep jazady Qamshy.kz aqparat agenttigi. 

Eske salsaq, Qasym-Jomart Toqaev Qyrymnyń Reseımen qosylýyn anneksııa dep sanamaıdy. QR Aqparat jáne áleýmettik damý mınıstri Dáýren Abaev Ýkraına SIM-niń jaǵymsyz reaksııasyna jaýap berdi. 

"Reseı men Ýkraına arasyndaǵy teketirestiń bolýy jáne janjaldyń órshýi kez-kelgen jaǵdaıda Qazaqstan úshin qolaısyz. Eki halyq bizge birdeı baýyrmal. Orystar da, ýkraındar da bir-birimen baýyrlas halyqtar, muny Reseı de, Ýkraına da moıyndaıdy. Sol sebepti eki eldiń tez arada beıbit kelisimge kelýine biz múddelimiz", - dedi Dáýren Abaev "Ashyq dıalog" baǵdarlamasyna bergen suhbatynda. 

Abaevtyń aıtýynsha, bul jerde "sen bizben bolasyń nemese sen bizge qarsysyń" degen qaǵıda basym. 

"Bolashaq kelissózderge zııan tıgizbeýge, teńdestirilgen ustanym berýge baǵyttalǵan kez-kelgen áreket teris qabyldanady. Shyndyǵynda, biz sózder men ıntonasııalardyń aınalasyndaǵy ısterııanyń tutqynyna aınalamyz. Bizdiń prezıdent naǵyz dıplomat retinde anneksııany jazý óte qıyn ekenin tilge tıek etti. Ol aıyptamady, qoldaý bildirmedi. Qasym-Jomart Kemeluly, mundaı sózderdiń qunyn jaqsy túsinetin adam retinde kategorııalyq tujyrymdardy qoldanbady", - dep túsindirdi Dáýren Abaev. 

"Árıne, mundaı alyp-satarlardyń arasynda bizdiń eldiń alǵa tartqan beıbitshilik bastamalary umyt qalatyny ókinishti. Jaqynda biz Reseı men Ýkraına kóshbasshylary arasyndaǵy kelissózder alańyn usyndyq. Bul bizdiń máselege degen shynaıy kózqarasymyzdyń dáleli", - dep sózin túıindedi Abaev. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir