06 Jeltoqsan, 2019 NEWS

ShQO, Jarma aýdanynda óndiris kólemi artty

Jarma aýdanyndaǵy tabys kóleminiń 72,4 paıyzy ónerkásip óndirisine tıesili. Bul týraly ShQO aımaqtyq kommýnıkasııalar qyzmetinde ótken brıfıng barysynda aýdan ákimi Ahmetqalı Nurǵojın málim etti.

– О́ńdeý ónerkásibi salasynda taýar ónimderiniń jáne kórsetilgen qyzmetterdiń kólemi 15,5 mlrd teńgeni qurap, ótken jyldyń sáıkes kezeńimen salystyrǵanda 642 mln. teńgege nemese 4,3%-ǵa ósti, – dedi aýdan basshysy.

Bıyl taý-ken ónerkásibi salasynan 168,2 mlrd teńge tústi. Bul ótken jyldyń sáıkes kezeńimen salystyrǵanda 4,6 esege kóp. Ahmetqalı Nurǵojınniń aıtýynsha, aǵymdaǵy jyly aýdanda 1 171,4 myń tonna áktas jáne gıps («Asar Invest»), 371,4 myń tonna qıyrshyq jáne usaq tas («AS Inkom»), 16,9 myń tonna sazbalshyq jáne kaolın («Semeı joldary»), 2 242,1 myń tonna quramynda altyn bar kender («BGP») óndirildi.

– «Kazahsement» JShS-da 150,1 myń tonna klınker men 175,8 myń tonna sement shyǵaryldy. Al «AS Gornıak», «Vasılevskoe» JShS-de 335 keli altyn men 28 keli kúmis óndirildi. Sondaı-aq sorǵy jabdyqtaý zaýytynyń jumysshylary 115 dana tepkish nasostar jasap shyǵardy, – dedi Ahmetqalı Nurǵojın.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir