Mınıstr qazaqstandyqtardyń elden ketýine ne sebep bolǵanyn aıtty

Eńbek jáne halyqty áleýmettik qorǵaý mınıstri Birjan Nurymbetov syrtqy kóshi-qon týraly sóz sóıledi dep jazady Qamshy.kz aqparat agenttigi. 

Ol ortasha eseppen jyl saıyn respýblıka aýmaǵynan 20 myń adam ketetinin atap ótti. 2018 jyly bul kórsetkish 29 myń adamdy qurady.

Negizinen, qazaqstandyqtardyń kóbisi TMD elderine kóshedi. Qazaqstandyqtardyń elden kóshýine tarıhı otanyna oralý, bilim alý jáne jumysqa ornalasý sebep bolǵan. 

Mınıstrdiń aıtýynsha, kóptegen adamdar ózderiniń ómirlerin jaqsartyp, laıyqty ári joǵary jalaqy alatyn jumys tabý úshin Qazaqstannan ketedi.

"Kópshilik jaqsy ómir súrgisi keledi. Sondaı-aq joǵary jalaqy izdep, shetelge kóshedi. Bul AQSh-ta jıi kezdesedi", - dedi mınıstr.