Jambyl oblysynda páter kezegine turmaǵandar úı alyp kelgen

Búgin bul týraly О́ńirlik kommýnıkasııalar qyzmetinde QR Sybaılas jemqorlyqqa qarsy is-qımyl agenttigi Jambyl oblysy boıynsha departamenti basshysynyń birinshi orynbasary Ravıl Tólebaev aıtty.

Búgingi kúni Taraz qalasy boıynsha memlekettik turǵyn úı qorynan baspana alý kezeginde 18 565 adam tur, onyń ishinde: 1954-i – jetimder, 1784-i – kóp balaly otbasylar, 8953-i – turǵyndardyń áleýmettik osal tobyna jatatyndar, 5874-i memlekettik qyzmetishiler, bıýdjettik uıymdar qyzmetkerleri men áskerı qyzmetshiler.

Turǵyn úı komıssııasynyń muqtaj azamattarǵa memleketten baspana bólý týraly sheshimin laýazymdy tulǵalar baqylaýshylardyń qatysýynsyz qabyldaıdy, ıaǵnı jumystyń ashyqtyǵy qamtamasyz etilmegen. Beıne jáne aýdıo jazbanyń júrgizilmeýi de komıssııa músheleriniń sheshim qabyldaýdaǵy jaýapkershiligine keri áser eteri sózsiz. Osyǵan baılanysty, turǵyn úı komıssııasy otyrysynyń mindetti túrde beıne jáne aýdıotaspaǵa jazylyp, áleýmettik jeli arqyly tikeleı efırde kórsetilýi qajet.

Kezektegilerdiń tizimin zerdeleý, bıylǵy jyldyń 3 mamyrynda páter alǵan keıbir azamattardyń 2017 jáne 2018 jylǵy kezek tiziminde joqtyǵyn kórsetti. Memlekettik qordan bólingen keıbir páterlerde eshkim turmaıtyny, keıbiriniń jalǵa berilgeni anyqtaldy.

Jergilikti atqarýshy organ tarapynan memlekettik qordan bólingen turǵyn úılerdiń paıdalanylýy boıynsha sharalar qabyldanyp jatqan joq. Júrgizilgen taldaý nátıjesimen, sybaılas jemqorlyq kórinisteriniń paıda bolý sharttary men sebepterin joıý maqsatynda tıisti jergilikti atqarýshy organdarǵa usynystar berildi.