• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:52:05
Qazaqstan Ýkraınanyń saýda naryǵyna alańdaýly

04 Jeltoqsan, 2019 NEWS

Almaty oblysynyń bas aýrýy 300 dárethana ma?

Taqyrypty tap osylaı qoıýymyzda qop-qoıý sebep bar: Tarazdaǵy mektep dárethanasynda zorlanǵan qyz oqıǵasy respýblıkada úlken dúmpý týdyrdy. Al Almaty oblysyndaǵy mektepterde  júzdikti úsh eselegen dala «týaleti» bar. Saldarynan oblysta balalar arasyndaǵy qylmys órship tur.

Anyǵy – aımaqtaǵy jasóspirimder arasyndaǵy zańbuzýshylyq 4,3 paıyzǵa artqan. Bul baǵyttaǵy jumystyń sylbyrlyǵy sol, jýyrda Ishki ister mınıstri Erlan Turǵymbaev kámeletke tolmaǵandarǵa qatysty zorlyq-zombylyq qylmystardyń, sondaı-aq jasóspirimder buzaqylyǵynyń aldyn alý boıynsha keńes ótkizgen bolatyn. Sonda respýblıkadaǵy qatań synǵa qalǵan tórt aımaqtyń biri retinde Almaty oblysyn atalǵan edi.

Ile-shala Taldyqorǵanda da balalar qaýipsizdigin qamtamasyz etý jóninde jıyn ótti. Endi oblystyq polısııa departamentiniń bastyǵy Murat URUMHANOVTYŃ sol otyrysta aıtqan málimetin keltire ketýdi jón kórdik.

– Bıylǵy 10 aıdyń qorytyndysy boıynsha oblysta jasóspirimder arasyndaǵy qylmys 4,3%-ǵa artty. Quqyq buzýshylyqtardyń aldyn alý maqsatynda jedel-aldyn alý is-sharalary jeti márte uıymdastyryldy. Atap aıtqanda, «Jasóspirim» sharasy 4 ret, al «Túngi qaladaǵy balalar» aksııasy 3 márte ótkizildi, – deıdi polısııa general-maıory.

Demek, qos prezıdenttiń balalyǵy ótken Jetisýda shyn máninde jasóspirimder qaýipsizdigi alańdatarlyq deńgeıde degen sóz bul. Ádette kópirip: «úsh aýysymdy mekteptiń máselesin sheship jatyrmyz» degen oblysta, ókinishke qaraı, úsh júz dárathanany mektep ishine kirgizerdeı qaýqar bolmaı tur.    

Osy rette, oblystyq bilim basqarmasynyń basshysy Dáýren JÚNISOVKE habarlasqan edik. Alaıda jınalysta otyrǵanyn alǵa tartqan Dáýren Qabdoldanuly bizdiń kóńilimizde saırap turǵan bútin suraqtyń esesine «ofısıalnyı hat jiberińiz, jaýap beriledi» dep bir-aq aýyz kesim aıtty.

О́l, tiril: balańyzdyń taǵdyryna qatysty suraq «ofısıalnyı hat» degen eki-aq aýyz sózdik quny joq bolyp tur. О́ıtpese, bir balanyń taǵdyry opat, ıá tálkek bolsa (qudaı betin ary qylsyn) bul jazǵandar sol hatsyz-aq jýrnalıstiń aldynda aptyǵyp sóılep turmas pa edi? Shekten shyǵý emeı ne sizshe?!

Bálkim, bul suraqqa oblysy synǵa qalǵan, «úı ıesi» Amandyq BATALOVTYŃ ózi jaýap beretin bolar?!

Aıta keteıik, oblysta 760 mekteptiń oqýshysyna 182 polısııa ınspektory qaraıdy. Qazir aımaqtaǵy mektepterde 15860 beınebaqylaý kamerasy ornatylǵan.

Qozybaı QURMAN.

Almaty oblysy.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir