• USD 389.52
  • EUR 429.21
  • RUB 6.07
  • CNY 54.94
28 Qańtar, 14:49:50
Qazaqstan Ýkraınanyń saýda naryǵyna alańdaýly

25 Qarasha, 2019 Mańǵystaý oblysy

"Kúı" spektakli sahnalandy

О́nerge jasalǵan qastandyq. Eki el arasyndaǵy bitispes jaýlastyq. Ábish Kekilbaevtyń "Kúı" povesiniń jelisine qurylǵan spektaklde rejısser osyny sahnalaǵan.  Jazýshynyń qos shyǵarmasynyń basyn qosyp mańǵystaýlyq rejısser Gúlsına Mırǵalıva "Kúı" premerasyn usyndy.  Shyǵarma kórermenge tolyqqandy tuńǵysh ret jazýshynyń 80 jyldyǵy qarsańynda usynylyp otyr. Buǵan deıin Qazaqstannyń ózge teatrlary sahnalaǵanymen, Mańǵystaý jerinde alǵash ret qoıyldy. Premerany Nurmuhan Jantórın atyndaǵy Mańǵystaý oblystyq mýzykalyq drama teatry usyndy.

Kórshiles eki el arasyndaǵy óshpendilik. Daý men kek. Máńgúrtke aınalǵan tutqyndar. Qoıylym jelisi osylaı órbıdi. Spektaklden kórermen qıly zamandarda ómir súrgen halyqtyń  taǵdyryn kóre alady. Qoılymnyń basty ereksheligi, munda rejısser jazýshynyń eki shyǵarmasyn biriktirgen. Tańdalǵan eki shyǵarmada da óner ókiline jasalǵan qysastyq bar. Onyń biri- "Kúı" povesindegi kúıshi bolsa, ekinshisi "Ańyzdyń aqyry" romanyndaǵy sheberge jasalǵan ozbyrlyq.  Rejısser bul qoılymy arqyly -dala daryndaryna eskertkish qaldyrýdy kózdegen.

-Á. Kekilbaevtyń "Kúı" povesimen qoıylǵan jáne "Ańyzdyń aqyry" romanynyń sıýjetin,  "Aqsaq temirdiń" sıýjetin, "Sheberdiń" sıýjetin qostyq. Janry drama dep oılaýǵa bolady. Men ıllıýstraýııa dep atadym. О́ıtkeni kitap oqyǵandaı áser beredi. Kekilbaevtyń sózin joǵaltpaı, sahnadan aıtyp turmyz, deı   di  N. Jantórın atyndaǵy Mańǵystaý oblystyq mýzykalyq drama teatrdyń rejıssery Gúlsına Mırǵalıeva.

Oqıǵa túrkmen Jóneıt, kúıshi , dýtarshy arasynda órbeıdi. Túrkmen men qazaqtar arasyndaǵy kezekti bir soǵysta túrkmen batyry, Jóneıttiń inisi Kókbóri qaza tabady. Al kek alýǵa túrkmen jaǵy soǵys úshin jaralmaǵan uly Dýtarshy Dáýletti jumsaıdy. Bul-Dáýlet úshin sońǵy shaıqas boldy. Biraq túrkmen jaǵy dáýlettiń quny dep, qazaq kúıshini qolǵa túsiredi. О́ner úshin jaralǵan jan tutynda júrse de kúı tartýyn qoımaıdy. Sheber oryndaǵany sonsha qatygez Jóneıttiń ózi erip keterdeı bolady. Qoılymnyń basty keıipkeri túrkmen Jóneıtti –Kenjebek Basharov somdaǵan. Kúıshi rólin- Nursultan Jeksenbaev alyp shyqsa, Dýtarshy Dáýletti - Islam Esjan oınap shyqty. 1 saǵat 20 mınýtqa sozylǵan qoılymǵa teatr ujymy aılap ázirlengen. Eńbek aqtaldy , tyń týyndy kópshilik kóńilenen shyqty.

Teatr ujymy buǵan deıin Ábish Kekilbaevtyń «Abylaı han», «Shyńyraý» shyǵarmalarynyń jelismen spektakl usynǵan. Keler aıda «Bir shókim bult» qoılymynyń premerasy kórermenge jol tartpaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir