• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:37:51
Qazaqstan Ýkraınanyń saýda naryǵyna alańdaýly

29 Qarasha, 2019 Mańǵystaý oblysy

Bıznes-ombýdsmen mańǵystaýlyq kásipkerlermen kezdesti

Qazaqstan kásipkerleriniń quqyqtaryn qorǵaý jónindegi ýákil Bolat Palymbetov Mańǵystaý oblysyna jumys saparymen bardy.

Bıznes-ombýdsmen Aqtaý qalasynda óńir ákimi Serikbaı Trumovpen kezdesti. Kezdesý barysynda óńirdegi kásipkerlikti damytý máseleleri talqylandy.

Atqarylǵan jumystar týraly О́ńirlik kásipkerler palatasynyń dırektory Nurbek Qarasaev baıandady. 2019 jyldyń 11 aıynda Mańǵystaý oblysynyń Kásipkerler palatasy 519 ótinishti qarady, onyń 129-y bıznesti qorǵaý salasy boıynsha. Búgingi tańda kelip túsken ótinishterdiń 51%-y sheshildi. Jalpy alǵanda, kásipkerlerdiń 1,62 mlrd teńgege múliktik quqyqtary qorǵaldy.

Kezdesý barysynda taraptar óńirdegi kásipkerliktiń negizgi máseleleri boıynsha birlesken Jol kartasyna qol qoıdy.

Budan keıin Mańǵystaý oblysynyń Kásipkerler palatasynda Bolat Palymbetov kásipkerlerdi jeke qabyldady.

-"О́ńirdegi eń jıi kezdesetin másele - jolaýshylar tasymaly. Mysaly, avtobýsta 7 jasqa deıingi balalar tegin júredi,7 jastan 15 jasqa deıingi balalar úshin 50% jeńildik beriledi. Bar jeńildik osy. Jergilikti ákimdik 10 túrli sanat boıynsha tegin tasymaldaý mindetin qoıdy: kóp balaly otbasylar, múgedekter jáne t.b. Degenmen, munda jol júrý quny el boıynsha tómen, nebári 50 teńge. Biz joǵaryda kórsetilgen sanattaǵy azamattar úshin sýbsıdııa tóleýdi ótindik", - dep, "Jolaýshy-Aqtaý" JShS-niń dırektory Rýslan Ahmetnábıev qabyldaý kezinde tasymaldaý problemasyn qozǵady.

Sondaı-aq, kásipkerlerdiń kópshiligi jer telimderi, suıytylǵan gazdy paıdalaný jáne balabaqsha jumystary tárizdi máselelerdi aıtty. 1111

-"О́ńirdegi bıznesmenderdiń máselelerimen tolyq tanysyp shyqtym. Olardy sheshý jóninde naqty sharalar qabyldanatyn bolady. Barlyq usynystardy biz tıisti memlekettik organdarǵa engizemiz. Munda aıtylǵan máselelerdi jaýapsyz qaldyrmaımyz", - dep túıindedi Bolat Palymbetov.

Esterińizge sala keteıik, 2014 jyldyń aqpan aıynda QR Tuńǵysh Prezıdenti kásipkerlerdi qorǵaý jumystaryn kúsheıtý maqsatynda Qazaqstan kásipkerleriniń quqyqtaryn qorǵaý jónindegi ýákil qyzmetin engizýdi tapsyrǵan bolatyn. 2017 jyly bıznes-ombýdsmen QR Prezıdenti janyndaǵy Quqyqtyq saıasat jónindegi keńestiń jáne Sybaılas jemqorlyqqa qarsy is-qımyl máseleleri jónindegi komıssııanyń quramyna endi.

2016-2018 jyldary bıznesti qorǵaý boıynsha 17 myńnan astam ótinish tústi. Kásipkerlerdiń qorǵalǵan múliktik quqyqtarynyń somasy 110 mlrd teńgeni qurady. Bul - kásipkerge qaıtarylǵan aıyppuldar men ósimaqylar. О́tinishterdiń basym bóligi jer, salyq, satyp alýlar jáne quqyq qorǵaý organdarynyń áreketterine qatysty túsken. 111

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir