• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:59:48
Qazaqstan Ýkraınanyń saýda naryǵyna alańdaýly

28 Qarasha, 2019 Mańǵystaý oblysy

7 jyl boıy bos turǵan planshet zaýytynyń ǵımaratynda jańa óndiris iske qosylady

Aqtaýda 7 jyl boıy bos turǵan planshet zaýytynyń ǵımaraty 105 mıllıon teńgege satyldy. Mańǵystaý óńirlik kommýnıkasııalyq qyzmetiniń habarlaýynsha, buryn ǵımaratta alǵashqy qazaqstandyq planshet kompıýterleri shyǵarylsa, 2021 jyldan bastap polıpropılen qapshyqtar óndirilmek. Jańa kompanııa hımııalyq jáne qurylys salasyndaǵy kásiporyndarǵa arnalǵan «BIG-BEG» dep atalatyn iri óndiristik qapshyqtarǵa basymdyq beredi. Investısııalyq jobanyń quny 900 mln teńge. 40 jańa jumys orny qurylady.

«Kaspıı» áleýmettik kásipkerlik korporasııasy AQ basqarma tóraǵasy Baýyrjan Qaıratovtyń málimdeýinshe, planshet zaýyty toqtaǵaly bul ǵımarat  atalmysh korporasııa menshiginde. Ǵımaratty kúzetýge jáne saqtaýǵa jyl saıyn 600 myń teńge jumsap otyrǵan.

Sáýir aıynda ashyq saýdaǵa shyǵardyq. Tenderge 4 kompanııa qatysyp, eń joǵary baǵa usynǵan kompanııaǵa 105 mıllıon teńgege satyldy. Ǵımarattyń ekinshi tynysy ashylatyn boldy»,-deıdi Baýyrjan Qaıratov.

Polıpropılen qapshyq shyǵaratyn zaýyt dırektorynyń mindetin atqarýshy Erkebulan Baımoldınniń aıtýynsha, zaýyt jylyna 250-den 500 myń qapshyqqa deıin óndiretin bolady.

-«Qazir aımaqtaǵy bıtým, sement, mıneraldy tyńaıtqysh sııaqty kóptegen zattardy shyǵaratyn kásiporyndar qajetti qapshyqty shetelden satyp alyp otyr. Bizdiń ónim shyqsa, ımportqa degen táýeldilikten arylady degen oıdamyz. Bolashaqta ishki naryqpen qatar, eksportqa shyǵý da josparda bar»,-deıdi Erkebulan Baımoldın.

Kompanııa basshylary óndiristi kelesi jyldyń aıaǵynda iske qosyp, polıpropılen qapshyqtardy 2021 jyldan bastap shyǵarýdy kózdep otyr.  

 

                   

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir