• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:55:33
Qazaqstan Ýkraınanyń saýda naryǵyna alańdaýly

04 Jeltoqsan, 2019 Barlyq aımaqtar

"Qytaıdan qashqan eki qazaqtyń isi boıynsha tergeý aıaqtaldy"

Qytaıdan Qazaqstanǵa "shekarany zańsyz kesip ótti" dep aıyptalǵan etnıkalyq qazaqtar Qaster Musahanuly men Murager Álimulynyń isi boıynsha tergeý aıaqtaldy, dep jazady Qamshy.kz aqparat agenttigi azattyq.org saıtynyń deregin negizge alyp. Bul týraly 4 jeltoqsanda olardyń advokaty Lázzat Ahatova habarlady.

– Tergeý tolyq aıaqtaldy. Qazir ispen tanysý úshin úsh kúnge osynda (О́skemen - red.) keldik. Is endi prokýratýraǵa jiberiledi, odan ári qaraı sotqa jóneltiledi. Endi qamaý merzimin de uzartatyn shyǵar. Sebebi buǵan deıin olardy eki aıǵa qamaý týraly qabyldanǵan sot sheshiminiń merzimi 18 jeltoqsanda aıaqtalady. Zaısanda bir sot ótýi tıis, - dedi Lázzat Ahatova.

Shyǵys Qazaqstan oblysy prokýratýrasy ókilderi "taraptardan bólek úshinshi jaqqa is jaıly aqparat bere almaıtynyn" jetkizdi.

Qazan aıynyń basynda Qytaı qazaqtary Qaster Musahanuly men Murager Álimulynyń Qazaqstanǵa "shekarany zańsyz kesip ótkeni" týraly aqparat taraǵan. 14 qazanda Almatydaǵy adam quqyǵyn qorǵaý bıýrosynda ótken baspasóz máslıhatynda Qaster Musahanuly Shyńjańdaǵy "saıası lagerde qamaýda bolǵanyn", Murager Álimuly Qytaıda "qysym kórgenin" aıtqan edi. Qazan aıynyń ortasynda UQK olardy "shekaradan zańsyz ótti" dep aıyptap, О́skemen qalasyndaǵy tergeý ızolıatoryna jetkizgen.

Advokat Lázzat Ahatova О́skemende qamaýda otyrǵan eki adamnyń Qytaıda qalǵan týystaryna qazir qysym jalǵasyp jatyr deıdi. Murager Álimulynyń týystarynyń sózine silteme jasaǵan advokat Álimulynyń Qytaıda qalǵan áıeliniń "qysymnyń saldarynan túsik tastaǵan", Tarbaǵataı óńirinde qasapshylyqpen aınalysqan eki jigitpen birge istegen adamdar da qýǵynǵa ushyrap, túsinikteme jazýǵa májbúr bolǵan dep habarlady.

– Buǵan qosa, Qasterdiń de bastyǵy óz-ózine qol jumsady degen aqparat boldy. Qasterler [qazannyń] 1-i kúni ketse, ol 6-sy kúni kóz jumǵan. Oǵan qatty qysym kórsetip, lagerge qamalasyń dep qorqytqan. Ol jaqta lagerge shaqyrǵandardyń arasynda óz-ózine qol jumsaý kóbeıgen, – deıdi Lázzat Ahatova. Advokat bul aqparatty senimdi kózderden alǵanyn aıtady.

Qytaıdaǵy qysym týraly málimettiń rastyǵyna kóz jetkize almady. Qytaıdyń Qazaqstandaǵy elshiligi jýrnalısterdiń suraǵyna jaýap bermedi.

Qazaqstan bıliginen bosqyn mártebesin suraǵan Qytaıdyń eki azamatyna qazan aıynyń sońynda "pana izdeýshi tulǵa" kýáligi berilgen edi.

Murager Álimuly men Qaster Musahanulynyń taǵdyryna alańdaǵan bir top belsendi buǵan deıin baspasóz jıynyn ótkizip, eger Qytaıǵa qaıtarylsa, ekeýiniń ómirine qaýip tónetinin aıtyp, Qazaqstan bıliginen olarǵa bosqyn mártebesin berýin suraǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir