• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:53:25
Qazaqstan Ýkraınanyń saýda naryǵyna alańdaýly

04 Jeltoqsan, 2019 NEWS

Memlekettik qýyrshaq teatry jaqsylyqqa úndeıtin jańa qoıylymǵa shaqyrady

Elimizdegi tuńǵysh qýyrshaq teatrynyń kásibı deńgeıi, elimizde jáne shet elderde ótken respýblıkalyq, halyqaralyq teatr festıvalderinde top jaryp júrgendigi de kásibı mamandar men kóreremenderdiń nazarynda. Eresekterge arnalǵan jańa qoıylymdarymen túrli halyqaralyq teatr festıvalderinen júldeger atanyp júrgen ujym kishkentaı kórermender úshin usynatyn ertegiler men qoıylymdardy nazarynan tys qaldyrǵan emes. Kerisinshe, qýyrshaq teatry atqarýy tıis óz mıssııasyn atqarýdy esten shyǵarmaıdy. Atap aıtqanda, bıylǵy maýsymda teatr óziniń ekinshi balalarǵa arnalǵan qoıylymyn kórermenderge usyndy. Búldirshinderdiń kóz qýanyshy qýyrshaq teatrynyń 85-shi maýsymynyń alǵashqy premerasy – «Aýyl ıti Aqbaı» (avt.: T.Mınýllın, rej.: E.Qabdyl) qoıylymy. Týǵan jeriń men ósken ortanyń qadirin bilýge, qanaǵat etýge úndeıtin jarqyn áýendi qoıylym búginde repertýardan turaqty túrde óz ornyn alǵan.

Eki tilde kórermen suranystaryn qanaǵattandyryp otyrǵan teatr «TEATR BEZ OTPÝSKA» atalyp, kórermenderi úshin toqtaýsyz jumys atqaryp jatqaly biraz ýaqyt boldy. Tájirıbelerden tiksinbeıtin teatr qýyrshaq óneriniń kópshilikke beımálim qyrlaryn ashyp, álemdik deńgeıge qulash urǵaly bul óner salasyna qyzyǵatyn kórermender de, jumys jasaýǵa usynys bildirgen jas artıster men rejısserlar da bar.

a

Baldyrǵandardyń jan-jaqty azamat bolyp qalyptasýyna óz úlesin qosyp kele jatqan respýblıka tarıhyndaǵy tuńǵysh Qýyrshaq teatry balalarǵa arnalǵan ekinshi qoıylymnyń tusaýkeserine daıyndyq ústinde. Basty maqsaty – dástúrli ulttyq qýyrshaqtarymyzdy jańǵyrta túsý. Jańa qoıylymnyń rejısseri, prodıýsser, Reseı Federasııasy Teatr qaıratkerleri Odaǵynyń múshesi, Halyqaralyq «KÝKART» teatr festıvaliniń prezıdenti – Davıd Býrman. Teatr artısteriniń izdenisi men qýyrshaq júrgizýdegi kásibı deńgeılerin arttyratyn qoıylym aǵymdaǵy jyldyń 5-6 jeltoqsan kúnderi alǵashqy kórsetilimin kópshilik nazaryna usynady.

Kishkentaı kórermenderimizdiń súıikti oqıǵasy «Aqqutan men qaraqshy» ertegisiniń jelisimen «Aıko men Strashko» spektakli sahnalanady. О́zgeniń adal eńbegin paıdalaný úlken qatelik ekendigin, meıirimdilik qasıetin joǵaltpaýymyz kerektigine úndeıtin kishkentaı qutan men egistikti kúzetetin qaraqshynyń oqıǵasy balǵyn búldirshinderge jaǵymdy áser syılary anyq.

Esterińizge sala ketsek, teatr ujymy aǵymdaǵy jyldyń maýsym aıynda Reseı Federasııasy, Sankt-Peterbýrg qalasynda ótken «KÝKART» Halyqaralyq teatr festıvaline «Ana júregi» (avt.: E.Ionov, rej.:A.Zaısev) spektaklimen shaqyrtý alyp, óner kórsetken bolatyn. Atalmysh óner beıgesinde eki birdeı nomınasııany qanjyǵasyna baılaǵan ujymǵa erekshe yqylas tanytyp, festıval prezıdenti Davıd Semenovıch teatrymyzǵa arnaıy at basyn burdy. Jańashyldyqqa jany qumar qýyrshaq teatrynyń repertýaryn jańa qoıylymmen tolyqtyrý mártebesi ıe bolǵanyna erekshe yqylasyn jetkizdi.

О́ner jasaýshylar men olardy nasıhattaýshylarǵa shynaıy janashyrlyqpen qarap, teatrdyń órkendeýine barlyq qajetti jaǵdaıdy usynyp otyrǵan shyǵarmashylyq top eńbegi, teatr basshylyǵynyń jańa kózqaraspen jumys jasaýy qýyrshaq teatrynyń sahnasynan áli talaı tyń dúnıeler men kórermen kóńilinen shyǵatyn qaıtalanbas qoıylymdar kórerimizge dálel.

Rejısser men avtordyń aıtýly eńbegin jáne akterlik ansambldiń potensıalynyń joǵarylyǵyn dáleldeıtin jańa qoıylymnyń qadirli qonaǵy bolyńyzdar.

Beıbit Álkeeva

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir