• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:34:11
Qazaqstan Ýkraınanyń saýda naryǵyna alańdaýly

04 Jeltoqsan, 2019 NEWS

Nazarbaev Toqaevqa prezıdenttik ushaqty bermegen

ACS charterlik qyzmetiniń avıasııalyq jýrnalısteri Qazaqstandaǵy ushý derekterin saralaı kele, bort nomeri UP-A3001 Airbus A330-243 Prestige ushaǵymen burynǵydaı eks-prezıdent Nursultan Nazarbaev ushyp júr degen qorytyndy jasaǵan, dep jazady Qamshy.kz aqparat agenttigi www.iarex.ru saıtyna silteme jasap.

Bıylǵy jyldyń 19 naýryzynda oryntaǵyn Qasym-Jomart Toqaevqa bosatqan N.Nazarbaev quny 250 mln dollar turatyn birinshi nomerli prezıdenttik bortty da berýi tıis bolatyn. Alaıda olaı bolmaı shyqty. Nátıjesinde Qazaqstanda bir ýaqytta eki prezıdent laıneri qoldanylatyn qyzyq jaǵdaı ornady.

Sondaı-aq bundaı bort nomeri bar áýe kemesi memlekettiń birinshi tulǵalary men resmı delegasııany tasymaldaýmen aınalysatyn memlekettik «Búrkit» áýekompanııasynyń balansynda turǵan joq. Laıner «Qazaqstan – Úkimet» áýefloty quramynan tabylǵan. Demek, avıasııalyq onlaın-monıtorıng resýrsynyń deregine saı, UP-A3001 bort nomerli laıner Qaýipsizdik Keńesiniń tóraǵasy Nursultan Nazarbaevtyń ıeliginde qalǵan.

Al prezıdent Q.Toqaev múlde basqa – Airbus A321-211(CJ) áýe kemesimen ushyp júr. Ol prezıdent retindegi alǵashqy saparyn da osy laınermen jasaǵan bolatyn. Ushaq «Búrkit» memlekettik áýe kompanııasynyń balansynda.

a

Qasym-Jomart Toqaevtyń ushaǵy

Osylaısha zańdyq turǵyda Qazaqstanda bılik aýysqanymen, is júzinde bılik bólinisi ǵana júrgen. Buny respýblıkadaǵy qazirgi prezıdent pen burynǵy prezıdenttiń árqaısysynda óz bortynyń bolýy aıǵaqtap tur.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir