• USD 468.56

  • EUR 497.56

  • RUB 7.3

  • CNY 67.18

28 Naýryz, 17:13:12
Almaty
+35°

26 Qarasha, 2019 Barlyq aımaqtar

Memleket qazirgi ýaqytta densaýlyq salasyna zor kóńil bólip keledi. О́ıtkeni zaman kóshinen qalýǵa bolmaıdy. О́rkenıet damyǵan saıyn medısına salasynda da oń ózgerister bolyp jatyr. Sondyqtan aýyl medısınasy órkenıetten kósh qalmaýy kerek. Mamandardyń bilikti bolǵany abzal. Bul oraıda Túrkistan oblysyndaǵy Saıram aýdanynynyń densaýlyq salasynda oń ózgerister bar. Bir ǵana mysal, atalǵan óńirdegi Saıram ortalyq aýdandyq aýrýhanasy búginde halqy kóp shoǵyrlanǵan óńirge medısınalyq turǵydan qyzmet kórsetedi. Atap óter bolsaq, bul mekemege Qazaqstan densaýlyq saqtaý salasynyń úzdigi, joǵary dárejeli uıymdastyrýshy, bas dáriger  Qaldybaı Sáýaqasuly Ydyrysov basshylyq etedi. Saıram ortalyq aýdandyq aýrýhanasynyń quramynda 431 oryndyq stasıonar bólimshesi, sondaı-aq 3 PMSP, 6 Va, 9 FAP, 6 MP kiretinin aıta ketken jón. Sonymen qatar,  onyń qaramaǵynda keńes beretin dıagnostıkalyq emhana, teri-venorologııa qyzmeti, týbıýerkýlezge qarsy kabınet, aýdan mektepterindegi medpýnkter, sharýashylyq bólimi men basqa da tolyp jatqan mekemeler bar.

2018 jyldan bastap, Saıram ortalyq aýdandyq aýrýhanasynyń bazasynda ınsýlt ortalyǵy ashyldy. Ortalyq barlyq mamandarmen, qajetti medısınalyq jabdyqtarmen tolyqtaı qamtamasyz etilgen. Munda nevropatolog, neırohırýrg, kardıolog, renımatolog, LFK dárigeri, legoped, psıhologtar jáne taǵy basqa mamandar syrqat jandarǵa jan meıirimin tónip, adal qyzmet etedi. Qazirgi ýaqytta syrqat jandar úshin ortalyq óte tıimdi bolyp otyr. Atalǵan mekeme ashylǵaly beri júreginde aqaýy bar azamattardyń sany 4,2 paıyzǵa azaıdy. Insýlt ortalyǵynan soń, 2018 jyldyń qazan aıynda kompıýterlik tomografııa kabıneti ashyldy. Bul qondyrǵy qazirgi zamanǵy jańa býynnyń jabdyǵy ekenin aıta ketken jón. Bul jabdyqtyń aýdan turǵyndarynyń densaýlyǵy úshin paıdasy zor. Olar alys qalaǵa baryp densaýlyǵyn teksertip,  bosqa sharshamaıdy. Saıramdaǵy komıýterlik tomografııaǵa kelip, densaýlyǵyndaǵy kináratyn tekseredi. Munda qandaı qyzmet kórsetiledi? Munda mıdyń qyrtasyn, omyrtqanyń búkil bóiligin, tós kletkalaryn, jambas pen  tize qımyl-qozǵalysyn túgeldeı tekseredi. Ortaq tujyrymdamasyn shyǵarady.  Dıagnostıkanyń jańa tásilderin qoldana otyryp, ınsýlttiń erte bastalǵan kezeńin, mı isigi men basqa da organdardyń syrqat sebebin anyqtaıdy. Munda bilikti mamandar kelýshilerge sapaly qyzmet kórsetedi.

–Densaýlyq – zor baılyq. Muny memleket te, halyq ta barynsha túsinip ári sezinip otyr. Sondyqtan da biz turǵyndar arasynda salaýatty ómir saltyn nasıhattap, aýrýdyń aldyn alýǵa barynsha nazar aýdaramyz. Prezıdent pen  Densaýlyq saqtaý mınıstri E. Birtanov el aldyna úlken mindetter júktep otyr. Oblystyń densaýlyq saqtaý bóliminiń basshysynyń tapsyrmalary jiti nazarymyzda. 2018 jyldan bastap Saıram aýdandyq ortalyq aýrýhanasynda pılottyq joba iske qosyldy. Aýrýhana qyzmetkerleri  qaǵazbastylyqtan aryldy. Osyǵan baılanysty 2019 jyldyń qańtar aıynan beri  ortalyq aýrýhana tutastaı is-qaǵazdaryn elektrondyq nusqaǵa kóshirdi. Qazir bizdiń dárigerler qaǵaz toltyryp, kóp ýaqytyn almaıdy. Bul jumystyń jeńildeýine óz áserin tıgizdi, – deıdi joǵary dárejeli uıymdastyrýshy, isker basshy  Qaldybaı Sáýaqasuly Ydyrysov.

Rasynda da aýyl nemese aýdan bolsyn, medısınalyq jańalyqtardan kesh qalmaýy tıis. Bul oraıda Saıram aýdanynyń medısına salasynda jaǵymdy nátıje alarlyqtaı jańalyqtar óte kóp. Qazir aýdannyń medqyzmetkerleri oblys ortalyǵyna, alys Almaty nemese Nur-Sultan qalasyna barmaı-aq aqyl - keńesterin alýǵa múmkindigi zor. Aýdanda telemedısınalyq ortalyq jumys isteıdi. Oblystan jáne respýblıkalyq medısınalyq mekemeniń mamandary aýdan dáráigerlerine keńes bere alady. Sonymen qatar, jergilikti dárigerler on-laın rejıminde oqyp, biliktiligin arttyra alady. Munyń medqyzmetkerler úshin tıimdiligi zor bolyp otyr. Aýdan kóleminde medısınalyq jańa ǵımarattar boı kóterip, halyqqa qyzmet kórsetýde. Atap aıtar bolsaq, sońǵy 5 jylda 2 feldsherlik- akýsherlik pýkt, 1 medpýnkt salynyp,  1 aýdandyq emhananyń qurylysy bastalý ústinde. Sondaı-aq aýyldarda kóptegen medısınalyq ǵımarattar boı kóterip, jergilikti halyqqa qyzmet kórsetýde.  

Saıram aýdandyq ortalyq aýrýhanasynda búgingi tańda 1290 medısınalyq qyzmetkerler qyzmet teýde. Onyń ishinde 304 dárigerler, 986-sy orta dárejedegi medısınalyq qyzmeterler bar. Aýdandaǵy ondaǵan dárigerler densaýlyq salasyndaǵy medalmen marapattalǵan, joǵary basshylardan alǵys hat alyp, sapaly qyzmet kórsetip jatqandar da ushan teńiz.

Medısınadaǵy bolyp jatqan ózgeristerge saı aýdan dárigerleri jyl saıyn bilimin tolyqtyryp, biliktiligin artyryp otyrady. Árıne, aýdandaǵy medısınalyq jaǵymdy jańalyqtardy bir maqalaǵa syıdyrý múmkin emes. Biraq aıta keterligi,  Saıram aýdanynyń densaýlyq saqtaý salasy búgingi kúnde oń ózgeristerdi bastan keshirýde. О́ıtkeni bul salaǵa isker uıymdastyrýshy Qaldybaı Sáýaqasuly Ydyrysov basshylyq etedi.  Al medısınaǵa osyndaı myqty basshylar óte kerek.

Erkin Qaldan

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir