• USD 468.56

  • EUR 497.56

  • RUB 7.3

  • CNY 67.18

29 Naýryz, 15:32:48
Almaty
+35°

Aǵymdaǵy jyldyń 3 jeltoqsanynda Y.Dúkenuly atyndaǵy Mádenıet úıinde Jambyl oblysy Polısııa departamentiniń bastyǵy Arman Orazalıev «Bala tárbıesi – barshaǵa ortaq másele» taqyrybynda oblystyq ata-analar jınalysyn ótkizdi.


Búgingi kúngi qoǵam talqysyndaǵy ózekti máseleni kótergen jıynǵa Jambyl oblysy ákiminiń orynbasary Nurjan Kalenderov jáne Taraz qalasy ákiminiń orynbasary Kenjebek Oljabaı qatysty. Sondaı-aq jıynda oblystyq Bilim basqarmasynyń qyzmetkerleri, oblystyq Ata-analar komıtetiniń músheleri, mektep dırektorlary men orynbasarlary, Qamqorshylyq keńesi jáne jeke kúzet uıymdarynyń ókilderi boldy. Sonymen qatar, osy kúni atalǵan jınalys Taraz qalasynda jáne oblystyń 10 aýdanynda polısııa bólimderiniń birinshi basshylarymen bir ýaqytta ótkizildi.


Is-sharanyń negizgi maqsaty – kámeletke tolmaǵandar arasynda jáne olarǵa qatysty jasalatyn qylmystar men quqyq buzýshylyqtardyń aldyn alý, sondaı-aq balalardyń qaýipsizdigin qamtamasyz etý boıynsha ata-analardyń usynystary men pikirlerin tyńdaý, túıtkildi máselelerdi aqyldasa otyryp, sheshimin tabý boldy. Osy maqsatta oblystyq Polısııa departamentiniń bastyǵy Arman Orazalıev polısııa qyzmetkerlerimen atqarylyp jatqan jumystar týraly baıandap ótti. Sondaı-aq, mektepterde oqýshylardyń qaýipsizdigin qamtamasyz etýdi kúsheıtý úshin birqatar usynystardy ortaǵa saldy. Olar – mektep ǵımarattaryna bógde adamdardyń kirmeýin jáne aýlalarynda quqyq buzýshylyqqa jol bermeý úshin arnaıy kúzet mekemelerimen shartqa otyrý, kireberiske ótkizý týrnıketterin ornatý, ata-analar jınalystaryn udaıy túrde uıymdastyrý, qaýipsiz mektep joly aıasynda mektepke keler joldarynyń syzbasyn jasap kezekshilik uıymdastyrý, sabaq ýaqytynda sebepsiz júrgen oqýshylardyń júrýin qatań baqylaýǵa alý, sabaq bolmaǵan jaǵdaıda ata-analarǵa oqýshynyń erte ketkeni týraly mindetti túrde habarlaý.


A.Orazalıev óz sózinde: «Polısııa tarapynan kámeletke tolmaǵandarmen jáne olarǵa qatysty jasalatyn qylmystardyń aldyn alý boıynsha jumystar júıeli túrde júrgizilip keledi. Alaıda, bul máselede, tek polısııanyń qyzmeti jetkiliksiz. Balalardyń bos ýaqytyn qalaı ótkizýi, mektepke kelmegen jaǵdaıda ne isteıtini, ǵalamtor jelilerinde qandaı aqparattardy qaraıtyny, kimmen aralasatyny týraly, birinshiden, onyń ata-analary, ustazdary únemi nazarda ustaýy kerek. Sondyqtan, bala qaýipsizdigin qamtamasyz etýde barlyq tıisti tulǵalardy jaýapkershilikpen qarap, polısııamen birlese jumys isteýge shaqyramyn»,- dedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir