• USD 389.52
  • EUR 429.21
  • RUB 6.07
  • CNY 54.94
29 Qańtar, 22:03:45
Qazaqstan Ýkraınanyń saýda naryǵyna alańdaýly

30 Qarasha, 2019 NEWS

Almaty oblysy kóshbasshylaryn taǵy da tóbege kóterdi

Baqsańyz, «taǵy da» dep ústep aıtýymyzdyń da táp-táýir sebebi bar. Toǵyz jyl qatarynan ótken baıqaý Taldyqorǵanda bıyl da óz jalǵasyn tapty. Dástúrli túrde. Uzyn sany jıyrma nomınasııa boıynsha ár salanyń aldúzik jasy anyqtaldy. Shara oblystyq  jastar saıasaty máseleleri basqarmasynyń uıymdastyrýymen ótti.

o

Jetisý ortalyǵyndaǵy han saraıyndaı «Koktem GRAND» kesheninde ótken marapattaý rásimi de bul jyly ózgeshe reńk alǵandaı. Atap aıtsaq, 3D formatyndaǵy shoý, jastardyń qyzyl alańmen kelýi, burynǵy jeńimpazdardyń da saltanatty jıynǵa shaqyrylýy – bári de jınalǵan jurtty eriksiz áserge bóledi.

a

Saltanatty jıynǵa Almaty oblysynyń ákimi Amandyq BATALOV arnaıy qatysty. Ári aımaqta atqarylyp jatqan árbir istiń artynda orasan eńbek pen jastarǵa sheksiz qamqorlyq jatqanyn atap ótti.

Oblysymyzda 400 myńnan astam jas bar. Olarmen jumysty júıeli túrde júrgizý maqsatynda aımaqta aýqymdy ister atqarylýda. Joǵary jáne arnaýly orta oqý oryndarynda 206 stýdentke oblys ákiminiń arnaıy grantyn taǵaıyndap, oǵan 174 mıllıon teńge bólindi. Sondaı-aq, búginde "Dıplommen  aýylǵa" baǵdarlamasy, "Jastar tájirıbesi" arqyly jas mamandarǵa zor qoldaý kórsetilip otyr, – dedi A. Batalov.

a

Qoldaý demekshi, osy oraıda talapshyl jastardy tóbesine kótergen oblystyq jastar saıasaty máseleleri basqarmasynyń basshysy Jomart Qaratastan da bir aýyz pikir alǵandy jón kórdik. Ol óńirde talpynyp, talaptanǵan jastyń eńbegi  eskeriletinin, tek oǵan ýaqyt tóreshi ekenin aıta kelip:

"Kóshbasshy" óńirimizdegi belsendi jastardyń talabyn shyńdap, óz salasynyń, ortasynyń dara kóshbasshysy bolyp shyǵýyna serpin beredi. Jyldan-jylǵa kóshbasshysy atanýǵa umtylǵan jastardyń qatary artyp keledi. Bıyl onynshy ret ótkizilip otyrǵan baıqaýǵa 200-den astam ótinim kelip tústi, – deıdi basqarma basshysy.

Eń keremeti de sol – bıylǵy talant pen talap báıgesinde tuńǵysh ret «Úzdik jas ádebıetshi» atalymy qosylǵan.  Nátıjesinde, belgili «Mızam» ádebı birlestigi aqyldastar alqasynyń múshesi, túrli respýblıkalyq múshaıralarda top jarǵan jas aqyn Muhtar Kúmispek óz salasynyń kóshbasshysy atandy.

a

Osy kúnge deıin aımaqta ádebıet kóshbasshysynyń joqtyǵy shyǵarmashyl jastardyń kóńiline kóleńke túsirip kelgen-di. Bıyl bul nomınasııa qosylǵanda bórkimizdi aspanǵa attyq. Bul báıge jetisýlyq shyǵarmashyl jastardyń eńbegine berilgen baǵa esebinde ystyq. Bir jaǵynan aımaqtaǵy ádebıettiń  deńgeıin kóterse, ekinshiden jas tolqynǵa úlken motıvasııa, – deıdi Muhtar Kúmisbek.

Motıvasııany aıtpaqshy, marapattaý sátinde ár jeńimpazǵa 250 myń teńgeniń aqshalaı sertıfıkaty jáne «Kóshbasshy» músinshesi tabystaldy.

Júldegerler:

«Úzdik jas ádebıetshi» – Muhtar Kúmisbek,

«Úzdik jas jýrnalıst» – Máýlen Ánerbaı,

 «Úzdik jas memlekettik qyzmetshi» – Vladımır Chepel,

«Úzdik jas sportshy» – Baıan Aqbaeva,

«Úzdik jastar isi jónindegi ádisker-nusqaýshy» – Ásem Qalıbek,

«Aýdandyq jastar resýrstyq ortalyǵynyń úzdik mamany» – Aıbek Ilebaev, «Aýylsharýashylyǵynyń úzdik mamany» – Erjan Bekmyrza,

«Úzdik stýdent» –  Erkejan Esimjanqyzy,

«Úzdik jas áskerı qyzmetker» – Baýyrjan Alıbaev,

«Jas ulan biryńǵaı balalar men jasóspirimder uıymynyń úzdik kóshbasshysy» – Ersultan Tohtajynov,

 «Úzdik jas ǵalym» – О́miruzaq Qaldarbekuly,

«Úzdik jas otbasy» – Abıshovtar otbasy,

«Úzdik jas kásipker» – Ádemi Esenshoraeva,

«Úzdik jas batyr» – Almas Ryızabekov,

 «Úzdik erikti» – Jazel Dakýbaeva,

«Úzdik jas talant» – Ashat Madıev,

«Úzdik jas dáriger» – Darhan Nurmadıev,

«Úzdik jas ustaz» – Nazgúl Jaılaýbaeva,

«Jasyl el jasaǵynyń úzdik sarbazy» – Zere Turǵanbaeva,

«Jastar úkimettik emes uıymynyń úzdik kóshbasshysy» – Baqtııar Baqytkeldiuly dep tanyldy.

Qozybaı QURMAN.

Almaty oblysy.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir