• USD 468.56

  • EUR 497.56

  • RUB 7.3

  • CNY 67.18

29 Naýryz, 17:15:32
Almaty
+35°

Birneshe jylǵa sozylǵan túıtkildi másele qala ákimi B. Saǵyntaevtyń aralasýynan keıin sheshildi. Buzylatyn ýchaskelerdiń ıeleri Almaty qalasynyń ákimi Baqytjan Saǵyntaevqa Jetisý aýdanynyń turǵyndarymen kezdesý kezinde kómek surap, ótinish bildirgen edi.

Seıfýllın dańǵyly men Jansúgirov kóshesiniń qıylysyndaǵy jol aıryǵy respýblıkalyq bıýdjet esebinen salynyp jatyr. Qala ákimi B. Saǵyntaev bıylǵy jyldyń 29 qazanynda memleket basshysy Qasym-Jomart Toqaevtyń qatysýymen ótken keńeste jol aıryqtaryn salý úshin alynatyn ýchaskelerge ótemaqy tóleý máselesin kótergen edi.

Búgin qalalyq Jer qatynastary basqarmasynyń basshysy Ardaq Samambetovtyń aıtýynsha, Seıfýllın dańǵyly men Jansúgirov kóshesiniń qıylysynda jolaıryǵyn salý úshin ondaǵy jerdi satyp alý máselesi 2017 jyldan beri sheshilmeı kelgen. Qarasha aıynda respýblıkalyq bıýdjetten 3,5 mlrd. teńge kóleminde qarajat bólinip, 117 ýchaskeniń ıelerine ótemaqy tóleý prosesi bastaldy. Búginde olardyń barlyǵy tıisti somasyn aldy.

– Osy kúnge deıin turǵyndardyń jaǵdaıy belgisiz bop keldi. Olar bul jerdi ne sata almaıdy, ne kete almaıdy. Qala ákimi Baqytjan Saǵyntaevtyń arqasynda másele oń sheshimin tapty. Búgin buzylatyn úılerdiń ıelerimen kóshýdiń qalaı júrgiziletinin talqyladyq, – dedi Almaty Jer qatynastary basqarmasynyń basshysy A.Samambetov.

Jylytý maýsymy men aldaǵy merekelerge baılanysty turǵyndarǵa kelesi jyldyń basynda kóshýge ruqsat berildi.

Seıfýllın dańǵyly men Jansúgirov kóshesiniń qıylysyndaǵy jol aıryǵynyń qurylysy osy ýchaskedegi kólik júktemesin tómendetý maqsatynda júrgizilýde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir