Qulbek Ergóbek, professor: Kózińe qara, ákim myrza!

"О́zbekáli Jánibek Túrkistan týraly, Q.A.Iаsaýı kesenesin qalaı saqtaý jóninde saqtandyra jazady: «Qazir sol Áziret-Sultannyń aınalasyn kógertemiz dep aryq qazyp, sý jiberip jatyr. Bul durys emes". Bul týraly ǵalym Qulbek Ergóbek óziniń feısbýk paraqshasynda jazdy.

–"Túrkistannyń sý jańa ákimi sóılep otyr. Uqqanym, Amerıkadan bir baı fırma kelgen-aý shamasy. Investor tartý – durys-aq. Iskerlik! Bolsyn! Biraq, Túrkistan ákimi Ráshıt Aıýpovtyń jetkizýi maǵan unamady. IýNESKO boıynsha qorǵalatyn, úsh asyl jádigerligimizdiń biri, biregeıi – Q.A.Iаsaýı mavzoleıiniń aınalasyna sý jiberip, ózen aǵyzbaq, bálkim jasandy kól jasaıtyn shyǵar, áıteýir sondaı birdeńe. Jastar qaıyqpen álgi ózende júzse kerek, keseneni aına-l-yp... Paý, shirkin!
Aınalaıyn, Ráshıt-aý!
Túrkistanǵa ákim boldyń. Taǵdyryńa rızashylyq aıt! Eki dúnıeńe keter qyzmet bul! Túrkistannyń perzenti kórinesiń. Perzentshe qyzmet et, Túrkistanyńa! Qolyńdy qaǵatyn pende balasy bolmaıdy. Biraq, Túrkistannyń arǵy-bergi tarıhyn shuqynyp oqyp, qarasaıshy, shyraǵym-aý. Burynǵy ótken oıshyldar Túrkistandy qalaı súıdi eken? Jádiger shahardy qalaı túletkisi keldi eken? Keıingi urpaqqa qalaı jańǵyrtyp, tarıhı symbatyn saqtaı otyryp jasartyp qaldyrýdy oılady eken?
Mysalǵa júginýge týra keledi. Buryn-sońdy Qazaqstanda 40-shaqty Mádenıet mınıstri boldy, qaraǵym. «Áıelim orys násildi bolǵandyqtan ulty «orys» dep jaza sal»- (Á.Qanapın) degen mansap úshin ultyn satqan mınıstrdi de, «Repetısııa» men «trenırovkany» ajyrata almaıtyn (S.Áshlıaev) mondy bas mınıstrdi de myna shyqqyr kózimiz kórdi. Sol 40-shaqty mınıstrden áli kúnge úsh kisiniń aty álsiremeı búginge jetti, erteńge din-aman ketip bara jatyr. Temirbek Júrgenov, Ilııas Omarov, О́zbekáli Jánibek... Sol О́zbekáli Jánibek Túrkistan týraly, Q.A.Iаsaýı kesenesin qalaı saqtaý jóninde saqtandyra jazady: «Qazir sol Áziret-Sultannyń aınalasyn kógertemiz dep aryq qazyp, sý jiberip jatyr. Bul durys emes. Onyń astynda kóp ǵasyrlyq eski qonystar, mádenı qazba baılyq bar. Qanshama ólik jatyr. Osyndaı bilmestiktiń saldarynan onsyz da bosap turǵan qurylystyń irgesin odan saıyn úńgip jatyrmyz. О́zgelerdi alaıyqshy. Anaý О́zbekstandaǵy Regıstannyń qasynda aǵash bar ma, joq. Bolmasa Afınydaǵy mazarlardy (Akropol), Rımdegi — Kolızeıdi, Parıjdegi — «Qudaı – ana» soboryn», tipti sonaý Ońtústik Amerıkadaǵy jergilikti halyqtardyń jergilikti eskertkishterin alyńyz, áli de sol qalpynda tur ǵoı. Al bizde basqasy ońyp turǵandaı sol jerlerdi kógerte qalaıyq deıdi. Osynaý óresizdikti tez arada toqtatpaıtyn bolsa, bizdiń urpaqtyń kezinde olar turar, al keler urpaq kórmeýi ábden múmkin».
Mine, kórdiń be, árýaǵyńnan aınalaıyn, О́zbekáli Jánibektiń ne degenin? Búgin biz maqtanyshymyzǵa aınaldyryp otyrǵan MAVZOLEI áýeli qudaıdyń, sosyn О́zbekáli Jánibektiń arqasynda búginge aman jetti. Erteńgi urpaqqa aman jetkize alamyz ba? Mavzoleıdiń aınalasyn ózenge aınaldyram degeniń qaı sasqanyń? О́zekeń aldyndaǵy gúlzardy da tarıhı eskertkishke zorlyq, qııanat dep otyr ǵoı. Al, Sen eskertkishti aınaldyra ózen jiberseń, bir sátte opyrylyp túspeı me, mavzoleı? Eger, óziń maqtap otyrǵan JOBAMEN jumys isteıtin bolsań, men qate túsingen bolmasam, Q.A.Iаsaýı mavzoleıin aınala ózen jasaýǵa beıil berseń, Túrkistan halqy, Túrkistan ǵana emes-aý, kúlli Túrik dúnıesi saǵan senimsizdik jarııalaýymyz ábden múmkin! Betke aıtqannyń zári joq. Tilektes adam ǵana, biletin adam ǵana betińe aıtady! Oılan!
Ákimdik qyzmetiń qutty bolsyn! Biraq, kózińe qarap, oılanyp kiris, qandaı iske de. Túrkistan ákimine oıshyldyq jarasady... On oılanyp, bir ret sheshim jasaǵan jarasady Túrkistan ákimine!"