• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:58:59
Qazaqstan Ýkraınanyń saýda naryǵyna alańdaýly

29 Qarasha, 2019 Barlyq aımaqtar

B.Baıbek Tursynbek Qabatovtyń qalaı Nur Otan partııasynyń múshesi bolǵanyn aıtty

Elordada Tuńǵysh Prezıdent kúni qarsańynda «Nur Otan» partııasyna saltanatty qabyldaý ótti. Jetekshi partııanyń qatary jas jáne belsendi azamattarmen tolyqty. Olardyń qatarynda tanymal satıra akteri, telejúrgizýshi Tursynbek Qabatov pen belgili boksshy Meıirim Nursultanov ta bar.

Partııa bıletin saltanatty jaǵdaıda tabys etken «Nur Otan» partııasy Tóraǵasynyń birinshi orynbasary Baýyrjan Baıbek Tuńǵysh Prezıdent kúni merekesi – Elbasynyń táýelsiz elimizdiń qalyptasýy men damýyna sińirgen eńbegine halyqtyń kórsetken erekshe qurmetiniń belgisi ekenin atap ótti. Bul – memlekettik ınstıtýttardyń qurylyp, shekaramyzdyń shegendelýi jolyndaǵy qazaq halqynyń tarıhı tańdaý jasaǵan kúni.111

«Nur Otan» – Qazaqstannyń ósip-órkendeýi jolynda aıanbaı eńbek etetin jandardyń jumylǵan jeri. Bizdiń basty baılyǵymyz – táýelsizdik. «Nur Otan» partııasynyń mindeti – Elbasynyń memlekettik baǵytynyń sabaqtastyǵyn qamtamasyz etý. Bul bizge eń aldymen eldegi tynyshtyq pen tatýlyqty saqtap, adamdardy alalamaıtyn memlekette ómir súrý úshin qajet. Turaqtylyq joq jerde ósip-órkendeý de bolmaıdy. О́zderińiz «Nur Otan» partııasynyń qataryna qosylýǵa sheshim qabyldaǵan ekensizder. Qatarymyzǵa qosh keldińizder! Búginde bizdiń qatarymyz 900 myńǵa jýyq adamdy qurap otyr. Olar túrli ulys ókilderi men túrli kózqarastaǵy, qalalar men shalǵaı aýyldarda turatyn azamattar. Biz barlyǵymyz Elbasynyń jaqtastary jáne úlken bir otbasymyz» - dedi «Nur Otan» partııasy Tóraǵasynyń birinshi orynbasary.111

Saltanatty shara barysynda Baýyrjan Baıbek jınalǵandarǵa Tursynbek Qabatovtyń «Nur Otan» partııasynyń múshesi bolýǵa qalaı nıet bildirgeni týraly aıtyp berdi.

«Men Almatydan Nur-Sultanǵa bet alǵan ushaqta edim, qasymda Tursynbek Qabatov otyrdy. Bir jarym saǵat boıy men oǵan partııa týraly, Elbasy men Memleket basshysynyń bastamalary men partııany qaıta jandandyrý aıasynda atqarylyp jatqan jumys barysy týraly áńgimeledim. Biz ushaqtan túsken kezde ol osynaý atqarylyp jatqan jumystarǵa óziniń de atsalysqysy keletinin aıtty» - dedi Tóraǵanyń birinshi orynbasary.111

Tursynbek Qabatovtyń ózi táýelsiz elimizdiń partııasy qatarynda júrip, el úshin qyzmet atqarýdy úlken baqyt sanaıtynyn jetkizdi.

«Biz 90-jyldardaǵy toqyraýdy kórgen balalarmyz. Keshe ǵana aýylda qoı baǵyp júrgen bala edim. Búginde mine, arman qýyp astanaǵa kelip, sol armandarym oryndalyp jatyr. Munyń barlyǵy elimizdiń órkendep-óskeniniń arqasy. Árbir ázilimde jurtty jaqsylyqqa úndep, barlyq áńgimemde halyqty birlikke shaqyryp júremin. «Nur Otan» – jalpy halyqtyq partııa. Halyq pen bıliktiń arasyndaǵy altyn kópir. Qazirgi tańda áleýmettik jelilerde eldi kim jamandasa, sol batyr bolyp eseptelip jatyr. Men olardyń qatarynda bolǵym kelmeıdi. Qazaqta «Jalǵyzdyń úni shyqpas, jaıaýdyń shańy shyqpas» degen sóz bar. Árkim ózinshe «batyr» bolyp otyra berse, elimiz damymaıdy. Biz judyryqtaı jumylýymyz kerek» - dedi Tursynbek Qabatov.111

Búgin «Nur Otan» partııasynyń qataryna Asqar Ábdiqalyq ta qosyldy. 19 jasar Asqar Ábdiqalyqty buǵan deıin Memleket basshysy Qasym-Jomart Toqaev Arys qalasynda oryn alǵan jarylys kezinde 80 balany kólikpen qala syrtyna aman alyp shyqqany úshin arnaıy «Erligi úshin» medalimen marapattaǵan edi.

Sonymen qatar, Baýyrjan Baıbek «Qasıetti jol» qaıyrymdylyq qory qamqorshylyq keńesiniń múshesi Dıana Erlanǵa, Petropavldan kelgen jas kásipker Janat Qıqymovqa, «Otyrar TV» medıa-holdınginiń dırektory Áıgerim Jumaqulovaǵa jáne «My ız Shahtınska» eriktiler birlestiginiń múshesi Iýlııa Golovınaǵa partııa bıletin tapsyrdy. Jalpy, búgin elimiz boıynsha «Nur Otan» partııasynyń qataryna 2 myńǵa jýyq qazaqstandyq múshe boldy.

Ilmek sózder: Nur Otan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir