Almatyda qoǵamdyq kóliktiń sany artýda

Jyl sońyna deıin kommersııalyq qurylymdarmen satyp alynǵan 202 avtobýs jáne qala ákimdiginiń bıýdjeti esebinen satyp alynǵan gazben júretin 230 avtobýs jolǵa shyǵady. Búkil trolleıbýs jelisin jańǵyrtý jumystary bastaldy. Mundaǵy basty baǵyt – ekologııalyq taza kólik túrine kóshý. Jaqynda megapolıske elektrobýstar da jetkizildi.

Qalalyq jumyldyrý basqarmasy basshysynyń orynbasary Erlan Ádilovtiń aıtýynsha, turaqty qalalyq jolaýshylar tasymalyn 14 avtopark júzege asyrady. Onyń 13-i jekemenshik jáne bireýi kommýnaldyq.

226 baǵyt uıymdastyryldy, sonyń ishinde: qalalyq – 120 (112 avtobýs, 8 trolleıbýs); qalaaralyq – 45; qala mańyndaǵy – 61. Sonymen qatar, qaladaǵy avtobýstar kún saıyn 1 mln 250 myń jolaýshyǵa qyzmet kórsetedi. Marshrýttyq jelini odan ári keńeıtý úshin jańa №33, 113, 204, 206, 208 marshrýttaryn ashý josparlanǵan. Bular qala ishinde de, qala mańyndaǵy ártúrli eldi-mekenderden de jolaýshylar tasymalyn qamtamasyz etetin bolady.

Sońǵy bes jyldyń ishinde gaz/dızelde 1331 jańa avtobýs satyp alyndy. Bıylǵy jyly taǵy 450 avtobýs satyp alý josparda bar. Qazir sonyń 222-si jetkizildi. Qala mańyndaǵy qoǵamdyq kólikti damytý úshin bes baǵyt boıynsha qala mańyndaǵy turaqty marshrýttar uıymdastyryldy.

Qalada avtobýs jáne trolleıbýs marshrýttarynan basqa metro jumys isteıdi. Jyl saıyn Almaty metropolıteni 14 mln-nan astam adamdy tasymaldaıdy. «Saryarqa» jáne «Dostyq» stansalaryn qosý arqyly Abaı dańǵyly boıyndaǵy Altynsarın dańǵylynan Momyshuly kóshesine deıin uzyndyǵy 3,1 shaqyrym bolatyn jelilerde metropolıtendi keńeıtý jalǵasýda. Boljamdy jolaýshylar aǵyny táýligine 86 myń adamdy quraıdy. Qurylys jumysynyń aıaqtalý merzimi – 2021 jyl. Sondaı-aq «Qalqaman» jáne «Batys avtovokzaly» eki metro stansasy joba ústinde tur.