• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:14:16
Qazaqstan Ýkraınanyń saýda naryǵyna alańdaýly

14 Qarasha, 2019 Mańǵystaý oblysy

Muryn jyraý Seńgirbekulyna arnalǵan halyqaralyq ǵylymı-tájirıbelik konferensııa ótti

Sh.Esenov atyndaǵy Kaspıı memlekettik tehnologııalar jáne ınjınırıng ýnıversıteti ǵımaratynda Muryn jyraý Seńgirbekulynyń týǵanyna 160 jyl tolýyna arnalǵan «Noǵaıly jyrlary jáne Muryn jyraý fenomeni» halyqaralyq ǵylymı-tájirıbelik konferensııasy ótti. Atalmysh konferensııasy osymen ekinshi ret uıymdastyrylyp otyr.

Sharanyń shymyldyǵyn Mańǵystaý oblysynyń ákimi Serikbaı Trumov quttyqtaý sózinde: «Mańǵystaýdyń Gomeri»! Mundaı joǵary baǵaǵa Muryn Seńgirbekuly kóziniń tirisinde ıe bolǵan. Mańǵystaý óńiri Muryn jyraýdyń 130, 140 jyldyǵyn atap ótti. 160 jyldyǵy qarsańynda Fort-Shevchenko qalasynda Muryn jyraýdyń zergerlik sheberhanasy qalpyna keltirilip, «Muryn jyraý atyndaǵy mýzeı» bolyp ashyldy. Uly muranyń jaı-kúıi talaıǵa tynyshtyq taptyrmaı kelgeni ras. Qazaqstan Respýblıkasynyń Ulttyq Akademııalyq kitaphanasynda Muryn jyraýdyń týǵanyna 150 jyl tolýyna arnalǵan «Jyraýlyq dástúr jaýharlary» atty respýblıkalyq ǵylymı-praktıkalyq konferensııasy negizinde jyraý týraly birneshe ǵylymı eńbekter jaryq kórdi. Birtýar tulǵanyń ómiri men óneri áli de bolsa jan-jaqty zertteýdi, nasıhattaýdy qajet etedi. Uly jyraýdyń 160 jyldyǵyna oraı uıymdastyrylǵan búgingi halyqaralyq ǵylymı-tájirıbelik konferensııanyń maqsaty – adamzat tarıhynda sırek kezdesetin erekshe daryn ıesi Muryn Seńgirbekulyn jáne atalmysh jyrdyń qazaq mádenıeti tarıhynda alatyn ornyn odan ári asha túsý, jyr boıyndaǵy ulttyq qundylyqtardy keler urpaqqa nasıhattaý bolyp tabylady», — deı kele, Fort-Shevchenko qalasyndaǵy Muryn jyraý mýzeıi búgingi tańda qaıta jańǵyryp, tyń mazmunmen tolyqtyrylyp, respýblıkalyq deńgeıge kóterý baǵytyndaǵy jumystardyń atqarylyp jatqandyǵyn, ústimizdegi jyldyń jeltoqsan aıynda mýzeıdiń qurylys jumystary tolyqtaı aıaqtalatyndyǵyn jetkizdi. 1111

Plenarlyq otyrys pen seksııalyq májilisterden turatyn konferensııaǵa qazaq ǵylymyndaǵy tanymal professorlar men ǵylym doktorlarynan bólek, kórshiles shetel ǵalymdary qatynasty. Tatarstan Respýblıkasynyń Ǵylym akademııasy G. Ibragımov atyndaǵy Til, ádebıet jáne óner ınstıtýtynyń dosenti, fılologııa ǵylymdarynyń doktory, «Halyqtyq óner» bóliminiń bas ǵylymı qyzmetkeri Muhametzıanova Lılııa Hatıpovna «Noǵaı eposy men noǵaı jyraýlary shyǵarmashylyǵynyń tatarlardyń halyqtyq dástúrlerine áseri» taqyrybynda, M.Akmýlla atyndaǵy Bashqurt memlekettik pedagogıkalyq ýnıversıteti «Bashqurt ádebıeti jáne mádenıeti» kafedrasynyń dosenti, tarıh ǵylymdarynyń kandıdaty Baıazıtova Rozalııa Rafkatovna «Bashqurt eposy «Idýkaı jáne Mýradym» etno-tarıhı qaınar kóz retinde» taqyrybynda, Qarashaı-Cherkes gýmanıtarlyq zertteýler ınstıtýty noǵaı bóliminiń meńgerýshisi, fılologııa ǵylymdarynyń doktory, professor Sýıýnova Nasıphan Hýsınovna «Noǵaılardyń batyrlyq eposyndaǵy «Edige» poemasy» taqyrybynda baıandama jasady. 1111

 

Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir