• USD 389.52
  • EUR 429.21
  • RUB 6.07
  • CNY 54.94
20 Qańtar, 08:11:19
Qazaqstan Ýkraınanyń saýda naryǵyna alańdaýly

15 Qarasha, 2019 Mańǵystaý oblysy

Serikbaı Trumov «Ákim Saǵaty» baǵdarlamasyna qatysty

Mańǵystaý oblysynyń ákimi Serikbaı Trumov «Mańǵystaý» arnasyndaǵy «Ákim saǵaty» baǵdarlamasy aıasynda óńir turǵyndarynyń saýaldaryna jaýap berdi. Oblys halqyn tolǵandyrǵan basty dúnıeler – oblysishilik, aýdanishilik jáne qalaishilik joldardyń jaı-kúıi, jolaýshylar tasymalyn júıeli uıymdastyrý men qoǵamdyq kólikterdi jańartý, jańa shaǵyn aýdandardyń ınjenerlik ınfraqurylymyn jasaqtaý, sondaı-aq bilim berý júıesindegi olqylyqtardy joıý, densaýlyq saqtaý salasyndaǵy sapaly qyzmet pen halyqty jumyspen qamtý máseleleri ári qalanyń bolashaqtaǵy damý jospary edi. Oblys ákimi turǵyndar tarapynan túsken túıitkildi máseleler tóńiregindegi saýaldarǵa tushymdy jaýap qatyp, egjeı-tegjeıli túsindirdi. 90 mınýtqa sozylǵan tikeleı efır barasynda oblys ákimine júzdegen saýal kelip tústi. Máselen, aldaǵy jyly tozyǵy jetken kólikter 18 avtobýspen almastyrylady. Soltústik-batysqa qaraı qanat jaıǵan qala aýmaǵynda qoǵamdyq kólik qatynaıtyn jańa baǵyttar paıda bolady. Qazirgi tańda jolaýshylar tasymalyn úzdiksiz júrgizý maqsatynda avtobýstardyń jol júrý baǵyttaryna birqatar ózgerister engizý kózdelgen.
Sapasyz jol qala kelbetine syzat túsiredi. Qaýipsizdikke de qater tóndiredi. Sol sebepti bıyl 5 shaǵyn aýdannyń ishki joldaryn aǵymdaǵy jóndeý jumysyna 6 mln. teńge baǵyttalǵan. Shuqyr-tesikterdi jamaý, tegisteý boıynsha qaýyrt jumystyń qazirgi tańda 90 paıyzy tolyq oryndalǵan.

Oblys ákimine eń jıi joldanǵan saýaldardyń biri – qala tazalyǵy. Turǵyndar qordalanǵan qaldyqtar men kúl-qoqystan aryltý isimen aınalysatyn mekemeler qyzmetine kóńili tolmaıtyndyǵyn da jetkizdi. Qazirgi tańda qala tazalyǵyna jaýapty mekemelermen júıeli jumystar júrgizilýde. Kúl-qoqysty jınaıtyn arnaıy tehnıkanyń jetkiliksizdigi máseleniń týyndaýyna basty sebepshi bolyp otyr. Oblys ákimi bul baǵytta birqatar is-sharalar iske asatyndyǵyn jetkizdi.

Sondaı-aq «Ákim saǵatynda» oblystaǵy ózge qalalar men aýdandardaǵy eń ózekti máseleler sóz boldy. Jańaózen qalasyndaǵy apatty jaǵdaıdaǵy úılerdi kúrdeli jóndeýden ótkizý úshin arnaıy is-sharalar jospary jasaqtalǵan. О́zekti másele Jańaózen qalasynyń áleýmettik-ekonomıkalyq damýynyń keshendi josparyna engizilgen. Aldaǵy jyly Quryq aýylynda kárizdik tazartý júıesin salý josparlanǵan. Taıaýda memlekettik jekemenshik áriptestik aıasynda «Real Stroı» mekemesi arqyly káriz tazartý ımaratynyń jobalyq-smetalyq qujattamasy jasaqtalyp, qurylys jumystary júrgiziletin bolady.

Atameken aýyldyq okrýgi men Basqudyq aýyldyq okrýgteriniń jer asty sýlaryn joıý jáne 2016 jyly jaýyn-shashynnyń kóp túsýine baılanysty, jaýyn sýlaryn aýyl syrtyna shyǵarý maqsatynda drenaj júıesin júrgizý úshin jobalyq smetalyq qujattary jasaqtaldy. Aldaǵy ýaqytta atalǵan jobany sátti júzegege asyrý kózdelgen. Budan bólek, baǵdarlama barysynda oblystyń damý baǵdary boıynsha birqatar mańyzdy dúnıeler sóz boldy. Sondaı-aq óńir basshysy ólkeniń óristi órkendeýine ózgeshe serpin berý, ekonomıkany ártaraptandyrý maqsatynda óndirshý ári óńdeýshi ónerkásip salasyna qoldaý kórsetý, orta jáne shaǵyn kásipkerlikti damytý, halyqtyń turmys sapasyn jaqsartý, tehnologııalyq jetistikterdi el ıgiligine baǵyttaý arqyly qoǵamnyń kez kelgen múshesine qolaıly orta qurý tóńireginde keńinen oı-pikir órbitti.

 Sondaı-aq, óńir basshysy ardager jýrnalıst Jolaman Boshalaq,
Qojahmet Demeýbergen jáne "Mańǵystaý" telearnasynyń ujymymen kezdesip arnaǵa qatysty usynys, pikirlerin tyńdady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir