Segiz aıǵa sozylǵan jumystardyń jemisi

Taǵylymdy týǵan jerge taǵzym etip túletý – perzenttik paryzymyz. «Adyrna» ulttyq-etnografııalyq birlestigi «Azamattyq bastamalardy qoldaý ortalyǵy» KEAQ-nyń memlekettik granty aıasynda QR Aqparat jáne qoǵamdyq damý mınıstrliginiń qoldaýymen júzege asyrylǵan "Týǵan jer" jobasy ulttyń biregeılik temirqazyǵy sanalatyn patrıottyq tárbıeniń negizgi ózegi bolmaq.

Osy segiz aıdyń ishinde jastarda ulttyń rýhanı jańǵyrýyna bastaıtyn «Týǵan jer» jobasyn sátti júzege asyrý boıynsha naqty usynystar men birneshe jobalar qolǵa alyndy. Júregi elim dep soqqan ár azamat týǵan jerine ózinshe úles qosty. Týǵan jerge degen erekshe qurmettiń bir kórinisi týǵan jerdiń kósegesin kógertýge atsalysýdan baıqalady. Atamekendi qasterlep súıýge, týǵan jer qadirin arttyrýǵa, zamanaýı ozyq órkenıet úlgilerin damytýǵa degen shamshyraq urannyń kúshtiligi osynda.

Atqarylǵan jumystardyń jemisi - nátıjeden kórinedi. Osy oraıda jastar arasynda birneshe is-sharalar bolyp ótti. Respýblıkalyq «Týǵan jer» patrıottyq shyǵarmashylyǵy uıymdastyryldy. «Úzdik maqala», «Úzdik poezııa», «Úzdik beıneleý óneri», «Úzdik ónertabys», «Úzdik beınerolık», «Úzdik dástúrli mýzyka oryndaýshysy» nomınasııalary boıynsha respýblıkalyq baıqaý jarııalanǵan edi. О́z otanynyń, óz jeriniń, eliniń dańqyn kótergen, jastar shyǵarmashylyǵynyń ártúrli baǵytynda talanttary anyqtalyp, arnaıy syılyqtar tabystaldy. Qazaqstan Halqy Assambleıasy arqyly ózge ult ókilderi arasynda «Týǵan jerim – Qazaqstanym» atty poezııalyq baıqaýy uıymdastyryldy. Poezııalyq baıqaý Soltústik Qazaqstan, Pavlodar, Qostanaı jáne Aqmola oblystaryndaǵy ózge ult ókilderiniń jastary arasynda ótti. Jeńimpazdar alǵys hattarmen jáne arnaıy syılyqtarmen marapattaldy.

Sonymen qatar aýyldardaǵy (shalǵaı eldi-mekenderde) bilikti jas mamandardy jáne óz aýylynyń kórkeıýine úles qosyp jatqan kásipkerlerdi BAQ arqyly nasıhattaý jumystary júrgizildi. Is-sharalardyń sońynda «Týǵan jerge týyńdy tik» atty dóńgelek ústel uıymdastyryldy. Dóńgelek ústel arqyly halyqqa jobanyń qorytyndy nátıjelerimen tanystyrdy. Patrıot jastar kóbeısin desek dál osyndaı aýqymdy jobalar kerek-aq. Jastar sanasyna serpilis beretin mundaı jobalardyń mańyzy zor.