29 Qarasha, 2019 Oqıǵalar
Aqtóbe – Atyraý – Astrahan tas jolynda eki kólik bir-birine soǵylyp qaldy. Oqıǵa saldarynan 12 adam zardap shekti, – dep habarlaıdy Qamshy.kz aqparat agenttigi. .
Oqıǵa 28 qarasha kúni túngi saǵat 23:30 shamasynda Aqtóbe - Atyraý – Astrahan tas jolynyń 743-shi kılometrinde boldy.
"Isataı aýdany Manash aýyly mańynda Toyota Ipsum markaly eki kólik bir-birimen betpe-bet soǵyldy. Apattan keıin Aqqystaý aýdandyq aýrýhanasyna 12 adam kelip, kómek surady. Medısınalyq tekserýden keıin on adam úıine jiberildi", – dep "QazAvtojol" AQ baspasóz qyzmetiniń basshysy Marjan Ordabaı málimdedi.
Aýrýhanada eki adam qaldy. Dárigerlerdiń aıtýynsha, olardyń biri aýyr halde jatyr.
Polıseıler apattyń sebebin tergeý barysynda anyqtaıdy. Jol apaty júrgizýshilerdiń jóndelip jatqan jol ýchaskesin kórmeı qalýynan bolýy múmkin.
Mamandardyń aıtýynsha, QazAvtojol" joldyń jóndeýden ótip jatqany týraly eskertetin barlyq qajetti belgiler ornatylǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir