• USD 468.56

  • EUR 497.56

  • RUB 7.3

  • CNY 67.18

28 Naýryz, 21:10:34
Almaty
+35°

Almatynyń aldynda turǵan basty maqsat – ómir sapasy men bıznes júrgizý sharttary boıynsha álemniń úzdik 100 qalasyna kirý. Bul týraly OKQ brıfınginde qala ákimi Baqytjan Saǵyntaev málimdedi. «Jol kartasynyń» basty maqsaty – qalany damytýdyń orta merzimdi jáne strategııalyq josparlary. Ol úshin úsh negizgi qujat ázirlendi.

«Birinshi qujat – 2020-2024 jyldarǵa arnalǵan «Jańa Almatynyń» keshendi jospary. Ol el Prezıdenti K.Toqaevtyń «sheti joq qala» jáne «áleýmettik ınfraqurylym qadamdyq qoljetimdilikpen» degen qaǵıdattaryna negizdelgen», – dep atap ótti qala ákimi Baqytjan Saǵyntaev.

Bul jospardy júzege asyrý arqyly qala turǵyndarynyń mektepke, aýrýhana, balabaqsha, kósheler men aýlalardy jaryqtandyrýǵa, sýmen qamtamasyz etýge degen bazalyq qajettilikti sheshýge múmkindik beredi.

«Bul taıaýdaǵy bes jyl ishinde 800 mlrd. teńgeden astam kólemde ınfraqurylymǵa ınvestısııa salýdy kózdeıtin teńdessiz aýqymdy jospar», – dep atap ótti B. Saǵyntaev.

Ekinshi qujat «Úlken Almaty» dep atalatyn Almaty aglomerasııasyn damytýdyń óńiraralyq jospary. Ol Almaty oblysynyń ákimdigimen birlesip jasalǵan.

«Qazir «Úlken Almatyda», ıaǵnı qala men qala mańyndaǵy aýdandarda 3 mln adam turady. Bizdiń baǵalaýymyzsha, 2030 jylǵa qaraı munda 5 mln adam bolady», – dep túsindirdi B. Saǵyntaev.

Aldaǵy 5 jylda ınjenerlik ınfraqurylymy bar turǵyn úıdiń bir sharshy metri 20 mln. kv-dan asatyn qurylys salý josparlanýda. Ol úshin Almaty oblysymen birge mektepter, balabaqshalar, emhanalar, medısınalyq jedel járdem pýnktteri, aýrýhanalar qurylysyna qajetti jer alqaptary anyqtaldy. «Úlken Almaty» úshin mańyzdysy – kólik ınfraqurylymy. Jospar aıasynda BAKAD aınalma jolyna alty radıaldy kósheni tesý kózdelip otyr. Kólik qatynasyn uıymdastyrý qala aýmaǵynda úsh kólik-kóshirý habyn, oblystyń bes eldi-mekeninde avtovokzal salýdy kózdeıdi. Jaqyn arada Batys jáne shyǵys baǵytta Uzynaǵash, Qaskeleń, Talǵar jáne Esik eldi-mekenderine deıin qala mańyndaǵy elektr energııasynyń qozǵalysyn uıymdastyrý josparlanyp otyr. Aglomerasııa sheńberindegi birlesken jumystyń mańyzdy baǵyty – azyq-túlik beldeýin uıymdastyrý.

Almaty jyl saıyn 1 mln.tonnnan astam ónimdi tutynady. Sonyń tek 60%-yn Almaty jáne Almaty oblysy kompanııalary jetkizedi. О́nimdi óndirý, qaıta óńdeý jáne saqtaý boıynsha kommersııalyq jobalardy iske asyrý josparlanýda. Tek qala aınalasynda tórt kóterme-taratý ortalyǵy, eki et kombınaty, jeti jylyjaı, eki sút fermasy salynady. Úshinshi jáne eń mańyzdy qujat – Elbasynyń tapsyrmasy boıynsha ázirlengen «Almaty-2050» uzaq merzimdi Damý strategııasy. Qujatta qalanyń bar kúshti jaqtary men syn-qaterleri taldanyp, qala damýynyń jeti negizgi strategııalyq baǵyttary anyqtaldy.

«Almatynyń bolashaǵyna qatysty kózqarasymyz – bul sheti joq qala. Onda barlyq aýdandar birdeı jaqsy damyǵan jáne bárinde de ómir súrý deńgeıi joǵary bolady. Almatynyń ósýi kóp ortalyqty bolady jáne olar qalanyń ár túrli bólikterindegi birneshe aımaqtarda shoǵyrlanady, tyǵyz, ártúrli qurylymdarymen jetkilikti deńgeıde jınaqy bolady. Olar tranzıttik-baǵdarly damý qaǵıdaty boıynsha qoǵamdyq kóliktiń tarmaqtalǵan jáne kóp modaly jelisimen ózara baılanysty bolmaq», – dedi qala ákimi Baqytjan Saǵyntaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir