Almatyda qylmys sany 10,2%-ǵa qysqardy

OKQ-daǵy brıfıngte Almaty ákimi Baqytjan Saǵyntaev qoǵamdyq qaýipsizdikti nyǵaıtý, qalalyqtardyń qaýipsizdigin qamtamasyz etý jáne krımınalmen kúresti kúsheıtý sharalary týraly aıtty.

Qoǵamdyq qaýipsizdik – Almaty ákimi jumysyndaǵy basty baǵyttardyń biri.
«Biz polısııanyń materıaldyq-tehnıkalyq jaraqtanýyn jaqsartýdamyz. Qazirdiń ózinde elimiz boıynsha eń joǵary jáne onyń deńgeıi 87%. Taıaý arada qala polısııasy taǵy 85 jańa avtokólik alatyn bolady», –  dedi qala ákimi Baqytjan Saǵyntaev.

Qalanyń barlyq aýdandaryndaǵy quqyq qorǵaý qyzmetiniń ashyqtyǵyn qamtamasyz etý úshin polısııanyń 13 front-ofısi ashylady. Munda qalalyqtar «bir tereze» qaǵıdasy boıynsha jaıly jaǵdaıda qyzmetter alady.

«Prezıdent Q-J. Toqaevtyń tapsyrmasy boıynsha vıdeomonıtorıng júıesi engiziledi. Taıaý arada qala kóshelerine «Sergek» vıdeofıksasııa júıesiniń 707 postysy ornatylady», –  dep atap ótti Baqytjan Saǵyntaev. Jyl aıaǵyna deıin 400 post ornatylady, 2020 jyly ornatylatyny –  307.

Almatylyqtardyń ótinishteri boıynsha, qoǵamdyq qaýipsizdikti nyǵaıtýdyń jedel sharalary qabyldandy. Qalanyń krımınogendi aýdandarynda polısııanyń 32 jańa jańa modýldi, mobıldi pýnktteri jumys isteı bastady.

Jaıaý patrýldeý kúsheıtildi, munda aýlalardy qadaǵalaýǵa basymdyq berilgen. Patrýl júrgizýdiń 550 baǵyty jasaldy.
Júzege asyrylǵan sharalar qylmys sanyn 10,2%-ǵa qysqartty jáne olardy ashýdy 26-dan 30%-ǵa deıin arttyrdy.