• USD 468.56

  • EUR 497.56

  • RUB 7.3

  • CNY 67.18

29 Naýryz, 03:45:49
Almaty
+35°

OKQ-daǵy brıfıngte Almaty ákimi Baqytjan Saǵyntaev QR Prezıdenti Qasym-Jomart Toqaevtyń aǵymdaǵy jyldyń 29 qazandaǵy jumys sapary kezinde mektepter men balabaqshalardaǵy oryn tapshylyǵy problemalaryn sheshý jóninde bergen tapsyrmasynyń qalaı júzege asatyny týraly aıtty.

Búgingi kúni Almaty mektepterindegi oryn tapshylyǵy 30 myńdy quraıdy. Balabaqshalarda oryn tapshylyǵy – 20 myńnan astam.

«Bul problemalardy sheshý úshin memlekettik-jeke áriptestik qaǵıdasy boıynsha mektepter salý baǵdarlamasy ázirlendi. Taıaý aradaǵy eki jyl ishinde shamamen 13 myń oryndy segiz mektep salynatyn bolady», – dedi B. Saǵyntaev.

Onyń aıtýy boıynsha, 2020 jyldyń basynda 790 oryndy bes balabaqsha paıdalanýǵa beriledi, jańa oqý jylynda 1800 oryndy eki mektep jáne burynnan bar mektepterdiń janynan 2017 oryndy bes qosalqy nysan iske qosylady.

Budan ózge, bul iske memlekettik bilim berý tapsyrysyn ornalastyrý jolymen jeke bıznes tartylýda. 2020-2022 jyldary jeke ınvestısııalyq esebinen 2240 oryndy tórt mektepti, 8000 oryndy 300 balabaqshany ashý josparlanýda.

«Osylaısha atalǵan sharalar eki aýysymda bilim alatyn mektepterdegi tapshylyqty 30 myń orynǵa qysqartady, sonymen qatar, balabaqsha kezegin 10 myń orynǵa azaıtady», – dep atap ótti Almaty ákimi B. Saǵyntaev.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir