29 Qarasha, 2019 NEWS
Bilim jáne ǵylym mınıstri Ashat Aımaǵambetovtyń aıtýynsha, materıaldyq yntalandyrý tetigi retinde birinshi kezekte muǵalimderdiń jalaqysyn tórt jyldyń ishinde eki esege arttyrý josparlanyp otyr. Osy bastamaǵa dırektorlar men ádiskerler de iligedi.
– Búginde dırektorlar, olardyń orynbasarlary men ádiskerlerdiń jalaqysy tómen. Olar ózderiniń biliktiligine saı ústemaqy alyp jatqan joq. Sondyqtan osy máseleni de zań jobasy aıasynda sheshýdi qarastyryp otyrmyz. Birinshiden, osy áriptesterimiz basqa da ustazdar sııaqty eńbekaqysy eki ese kóteriletin tulǵalardyń qataryna enip otyr. Ekinshiden, olar óz kategorııasyna sáıkes tıisti ústemaqy alady. Ol 30-50 prosent shamasynda bolady, – dedi Aımaǵambetov májilistiń plenarlyq otyrysynda.
Onyń sózine qaraǵanda, zań jobasy aıasynda taǵy bir mańyzdy máseleni sheshý kózdelgen. Ol – kolledj muǵalimderiniń kategorııalaryna ústemaqy tóleý. Budan bólek, magıstr ataǵy bar mamandar mektepke kelse, olarǵa 10 aılyq eseptik kórsetkish (25 250 teńge) kóleminde qosymsha aqy berý kózdelgen.
– Jalpy, osy normalardy júzege asyrý úshin bes jylǵa 5,3 trıllıon teńge beriletin bolady, – dedi Aımaǵambetov.
Aıta keteıik, keshe májilis depýtattary "Pedagog mártebesi týraly" zań jobasyn birinshi oqylymda maquldady. Osy jobasy 19 baptan turady. Negizgi tórt baǵyty:
- Ustazdardyń quqyqtaryn keńeıtý jáne ózine tán emes jumystan bosatý, júktemeni azaıtý;
- Muǵalimniń qyzmetine qoıylatyn talaptardy kúsheıtý;
- Materıaldyq emes yntalandyrý;
- Materıaldyq yntalandyrý.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir