Oljas Bektenov: Mınıstrler men ákimder otstavkaǵa ketedi

Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas Bektenov endi memlekettik qyzmettegi basshylar ózine baǵynyshty qyzmetkerler sybaılas jemqorlyq qylmysyn jasaǵan jaǵdaıda otstavkaǵa ketýge mindetti ekenin aıtty, – dep habarlaıdy Qamshy.kz aqparat agenttigi. 

Bektenov "Qazaqstan Respýblıkasynyń keıbir zańnamalyq aktilerine memlekettik qyzmet jáne sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly" zańǵa engizilgen jańashyldyqty túsindirdi.

"Bul zańnyń qabyldanýy Qazaqstanda sybaılas jemqorlyqqa qarsy kúrestiń jańa kezeńi bastalǵanyn bildiredi. Táýelsiz Qazaqstan tarıhynda tuńǵysh ret basshylardyń qol astyndaǵy qyzmetkerleri úshin jaýapkershiligi zańnamalyq deńgeıde bekitildi", – dedi sybaılas jemqorlyqqa qarsy is-qımyl agenttigi tóraǵasynyń birinshi orynbasary.

Onyń aıtýynsha, saıası memlekettik qyzmetshiler –  mınıstrler men olardyń orynbasarlary, oblystardyń, Nur-Sultan, Almaty, Shymkent qalalary men oblys ákimderi men olardyń orynbasarlary, aýdan ákimderi tikeleı baǵynyshty qyzmetkerleri sybaılas jemqorlyq jasasa, mindetti túrde otstavkaǵa shyǵýy qajet.

"Zańnyń jańa redaksııasyna sáıkes, birinshi basshy onyń tikeleı baǵynyshty qyzmetkerine qatysty sottyń aıyptaý úkimi kúshine engennen soń, 10 kúntizbelik kún ishinde nemese aqtalmaıtyn negizder boıynsha qylmystyq is toqtatylǵannan keıin otstavkaǵa ketýge mindetti",  – dep Oljas Bektenov aıtty.