Oral turǵyny áıelin kepilge aldy

Oralda er adam óz áıelin tutqynǵa aldy, – dep habarlaıdy Qamshy.kz aqparat agenttigi,  óńirlik polısııa departamentiniń baspasóz qyzmetine silteme jasap.

Polısııanyń málimdeýinshe, búgin saǵat 13:10-da 102 nómirine er adamnyń notarıýs keńsesinde esikti jaýyp, áıelin ustap otyrǵany týraly habar túsken. Er adamnyń qolynda pyshaq pen granataǵa uqsas zat bolǵan.

Oqıǵa ornyna barlyq jedel qyzmetter der kezinde jetti.

Qylmysqa baılanysty besqabatty turǵyn úıdiń barlyq turǵyny evakýasııalanyp, úıdiń aýmaǵy qorshaýǵa alyndy.

Polısııa qyzmetkerleri er adammen kelissóz júrgizýge tyrysyp baǵýda.

Oqıǵa ornynda Batys Qazaqstan oblystyq polısııa departamenti bastyǵynyń mindetin atqarýshy Serik Súıinbaev júr.

Qazirgi tańda er adamnyń kim ekeni anyqtaldy. Polısııanyń deregine súıensek, erli-zaıyptylardyń ajyrasyp jatqany belgili boldy.