Partııalyq qaıta jańǵyrýdyń mańyzdy máseleleri

Nur Otan partııasy Almaty qalalyq fılıaly partııa aktıviniń otyrysynda partııa kóshbasshysy, Elbasy N.Nazarbaevtyń tapsyrmasy boıynsha partııany qaıta jańǵyrtý máseleleri qaraldy.

Almaty ákimi, Nur Otan partııasy qalalyq fılıalynyń tóraǵasy Baqytjan Saǵyntaev Elbasynyń 25 qarashada Nur Otan partııasy óńirlik fılıaldary ókilderimen kezdesý ótkizgenin eske saldy. Partııayq qaıta jańǵyrýdyń mańyzdy máseleleri, onyń ishinde pármendi elektoratty qurý, praımerız júrgizý, partııalyq jobalardy júzege asyrý, máslıhattardyń rólin jáne depýtattyq fraksııalardyń jumystaryn kúsheıtý máseleleri qaraldy ári talqylandy.

«Partııanyń qalalyq fılıaly qaıta jańǵyrtý, halyqty tolǵandyratyn aktýaldy máselelerdi qaraý boıynsha júıeli jumystar júrgizýde. Sonymen qatar, bastaýysh partııa uıymdary men Jas Otan jastar qanaty belsendilik tanytýda, Elbasymen bolǵan keńeste jergilikti jerdegi halyq jıi keletin segiz aýdandaǵy biz qurǵan konsýltatıvti ortalyqtardyń jumystary atap ótildi», – dedi B. Saǵyntaev.

Partııalyq jańǵyrtý aıasynda júrip jatqan jumystar jóninde Nur Otan partııasy qalalyq fılıaly tóraǵasynyń orynbasary Stanıslav Kankýrov tolyǵynan aıtyp berdi. Bulardan ózge, qalalyq máslıhattyń, depýtattyq fraksııalardyń, bastaýysh partııa uıymdarynyń jumystary týraly baıandamalar tyńdaldy.

Aktıvtiń jumysyna Nur Otan partııasy qalalyq fılıaly saıası keńesiniń jáne depýtattyq fraksııalardyń músheleri, partııanyń aýdandyq fılıaldary men bastaýysh uıymdarynyń basshylary, partııalyq baqylaý komıssııasynyń, sybaılas jemqorlyqqa qarsy is-qımyl jónindegi Qoǵamdyq keńestiń jáne partııanyń qalalyq fılıaly baqylaý-tekserý komıssııasynyń músheleri qatysty.