27 Qarasha, 2019 Barlyq aımaqtar
Imanǵalı Tasmaǵambetov «Farıza» spektakli úshin jazýshyǵa alǵys aıtty
Ol -qazaq rýhanııatyna beı-jaı qaramaıtyn adam ǵoı.
–«Reseıdegi elshimiz Imanǵalı Nurǵalıuly Tasmaǵambetovke rızashylyǵymdy bildiremin. Jazýshy úshin shyǵarmashylyqtyń baǵalanýynan asqan qýanysh joq shyǵar». Bul týraly jazýshy –dramatýrg Roza Mukanova óziniń feısbýk paraqshasynda málim etti.
Al Tasmaǵambetovty tańqaldyrǵan ne? Eń aldymen aqyn Farızaǵa degen qurmet bolsa, ekinshiden aqyn bolmysyn qaz qalpynda boıamasyz sýrettegen jazýshy Roza Muqanovaǵa aıtylǵan rızashylyq sezim bolsa kerek..
«Shynshyl da syrshyl óleńderimen jurttyń júregine jol tapqan, adaldyǵy men aqyndyǵy teń túsetin, qaısar da qaıtalanbas talant ıesi – Farıza Ońǵarsynovanyń ómiri men óleńi týraly Siz jazǵan pesa Reseı astanasynyń talǵampaz kórermenderine erekshe áser qaldyryp, eń joǵary baǵasyn aldy», –delingen elshi jazǵan hatta.
Osydan birer aı buryn - dramatýrg Roza Muqanovanyń «Farıza» spektakli Imanǵalı Tasmaǵambetovtyń bastamasymen Máskeýdiń «Sovremennık» teatrynda kórermenderge usynylǵany belgili.
Eskerte keteıik, sonymen qatar, Almaty men Nur-Sultan qalalarynda, «Farıza» spektakli zor tabyspen ótkendigin aıta keteıik.
Qoıylym ıdeıasynyń avtory – Aınur Kópbasarova.
Farızanyń rólin somdaǵan aktrısa – Nazgúl Qarabalına
Mýzykasyn jazǵan – Rınat Gaısın.
Spektakldi qoıǵan jas rejısser – Farhat Moldaǵalı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir