• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:44:34
Qazaqstan Ýkraınanyń saýda naryǵyna alańdaýly

27 Qarasha, 2019 NEWS

Almatynyń jetistigi sizderdiń de tolaıym tabystaryńyzǵa aınalmaq. – B. Saǵyntaev

Ońtústik astanada Almaty Investment Forum 2019 bastaldy. Oǵan 700-den astam isker toptardyń ókilderi qatysýda.

Forýmda sóz alǵan qala ákimi Baqytjan Saǵyntaev iskerlik basqosýdyń Almatyǵa qar jaýǵan shaqpen qatar kelgenin atap ótip, forým qatysýshylaryn shahardyń ǵana emes, tutas el maqtanyshy – Shymbulaq taý-shańǵy keshenine demalýǵa shaqyrdy.

– Sizdermen ınvestısııalyq múmkindikterdi talqylaýǵa jáne iskerlik baılanystardy ornatýǵa zor múmkindik beretin Almatynyń basty alańy – búgingi ınvestısııalyq forýmda qaýyshqanyma shyn júrekten qýanyshtymyn. Forým jumysynyń jemisti bolaryna kámil senemin! Qazir Almatyda eń batyl josparlar men iri ınvestısııalardy júzege asyrý úshin asa qolaıly kezeń.  Biz, ózimizdiń ınvestısııalyq ıdeıamyzdy Ýorren Baffet prınsıpi negizinde bir usynyspen qalyptastyrýǵa tyrysamyz. Búgin Almaty qalasyna úlken senim bildirseńizder, Almatynyń jetistigi sizderdiń de tolaıym tabystaryńyzǵa aınalmaq. Biz neni meńzep otyrmyz? Is júzinde bul forým – Almatyda aldaǵy 30 jylǵa arnalǵan damý strategııasy qalyptasyp jatqan tarıhı sátte ótýde, – degen ákim jaqynda ǵana Almatynyń 2050-shi jylǵa deıingi Damý strategııasy ázirlenip, ol qala turǵyndarynyń keń talqylaýyna usynylǵanyn atap ótti.

– Almaty –  2050 strategııasynyń negizgi maqsaty – ómir sapasy men bıznes múmkindikteri joǵary álemniń eń úzdik 100 qalasynyń qataryna ený. Ol úshin myqty ekonomıkalyq negiz qajet. Qala ekonomıkasy jylyna keminde 5% qarqynmen damýy tıis. Mundaı ósýdi qamtamasyz etý úshin, biz, qalalyq ekonomıkanyń tereń qurylymdyq reformalaryn bastaımyz. Basymdyq jańa ekonomıka sektorlaryna jasalady. Bizdiń naq osy qurylymdyq manevrimiz ınvestısııalaý úshin túbegeıli jańa óristerge jol ashpaq, –  dedi ákim.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir