Marǵulan Seısembaı: Bir ǵana partııasy bar parlament bizge ne úshin qajet?

Elbasynyń sózine qaraǵanda, «Nur Otan» partııasy parlamenttik saılaýǵa daıyndyqty bastap ketti. Osy tusta birneshe suraq týyndaıdy.
1. Eger saılaý merziminen buryn ótkiziletin bolsa, óz ýaqytynda ótedi degen ýádesi qaıda qalady?
2. Al eger azamattyq sektordyń atynan túsetin jańa, táýelsiz partııalardy tirkeýden ótkizbeıtin bolsa, onyń qazirgi Parlamentten esh aıyrmasy bolmaıdy. Onda saılaý ótkizýdiń ne keregi bar?
3. Elbasynyń sózine súıene otyryp, olar «Nur Otan» partııasynyń qoǵamdyq pikirdiń barlyq spektrin qamtıtynyna senimdi bolyp otyr.
Onda bir ǵana partııasy bar parlament bizge ne úshin qajet? Odan da «Nur Otanǵa» zań shyǵarý bastamashylyǵy men zań qabyldaý quqyǵyn berińizder, osy úshin Parlamentti ustap turýdyń qajeti shamaly.

Mynadaı ózgeristersiz elimizde laıyqty ári áreketke qabiletti Parlamenttiń bolýy ekitalaı:
- bıliktiń zań shyǵarýshy tarmaǵy tolyǵymen táýelsiz bolmaıynsha;
- Parlamentte azamattyq sektor keminde 35% daýysqa ıe bolmaıynsha;
- Parlamentte keminde úsh táýelsiz partııa bolmaıynsha.

Al ol úshin joq degende úsh zań shyǵarý kerek:
1. Mıtıng týraly zań.
2. Partııa týraly zań.
3. Saılaý týraly zań.

Mundaı zańdar ashyq talqyǵa salynbaıynsha, biz jańa, áreketke qabiletti Parlamentti kóre almaımyz. Bul týraly Toqaevtyń UQSK-nyń ekinshi basqosýynda ne aıtatynyn kóreıik.

«Biz - búkil Qazaqstan halqynyń partııasymyz. Elimizdiń jáne halqymyzdyń bolashaǵy úshin jaýapty naqty ister partııasy. Bizdiń Qazaqstan damýyna arnalǵan aıqyn maqsattarymyz bar", - dedi óz sózinde tuńǵysh prezıdent".

Marǵulan Seısembaıdyń feısbýk paraqshasynan alyndy