• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:47:04
Qazaqstan Ýkraınanyń saýda naryǵyna alańdaýly

26 Qarasha, 2019 Aımaqtar

Mańǵystaýǵa bıyl 445 mlrd.teńge ınvestısııa tartyldy

Nur-Sultan qalasyndaǵy Ortalyq kommýnıkasııalar qyzmeti alańynda ótken brıfıngkte Mańǵystaý oblysy ákimi S.Trumov óńirdegi kásipkerlik salasyn órkendetý, ınnovasııalyq bıznes bastamalardy qoldaý jáne ınvestısııalyq  potensıaldy arttyrý jóninde maǵlumatpen bólisti.

Búgingi tańda óńirdegi kásipkerler sany 54 myńǵa jýyqtady. Al bıýdjet qazynasyn molaıtatyn salymdardyń 22,5 paıyzy  shaǵyn jáne orta bıznes sýbektilerinen túsken. «Bıznestiń jol kartasy - 2020» baǵdarlamasy iske qosylǵaly beri oblysta quny 87 mlrd. teńgeni quraıtyn 935 joba júzege asqan. Al bıyl 4 mlrd. teńgege 170 joba sýbsıdııalanǵan. Osy jumystar nátıjesinde 5000-ǵa jýyq jańa jumys oryndary qurylyp, 13 636 jumys orny saqtaldy.

Bıyl jeke kásibin júrgizýge yntaly azamattarǵa 2,2 mlrd. teńgege shaǵyn nesıe berilse, jańadan iske qosylǵan 279 joba aıasynda 397 jańa jumys orny ashyldy. Al «Nur Kapıtal» óńirlik baǵdarlamasy boıynsha 2,2 mlrd. teńgege 113 joba qarjylandyrylyp, 932 jumys orny quryldy. Nátıjesinde jumyssyzdyq deńgeıi 4,8 paıyzǵa tómendedi. Shaǵyn jáne orta bıznesti damytý baǵytynda atqarylǵan jumystar arqasynda 30 myńnan astam jumys orny paıda boldy.

О́ńir basshysy kásipkerlik órisin keńeıtýde «Atameken» UKP óńirlik fılıaldary qyzmeti mańyzyn erekshe atap ótti. Máselen, palata qoldaýymen Jańaózen qalasynda «Kásip túbi –násip» jobasy iske asyrylýda. Bul joba ekonomıkasy munaı shıkizatyna táýeldi qala damýyna oń yqpal eteri anyq. Joba aıasynda qalanyń jumyssyz turǵyndary óz isin bastaý úshin arnaıy keńes alý múmkindigine qol jetkizdi. Sondaı-aq Jańaózen qalasy boıynsha «Bastaý bıznes», «Jas kásipker» baǵdarlamalary boıynsha 491 adam oqyp, 37 mln. teńgege 77 joba iske asqan.

Sondaı-aq baspasóz máslıhatynda Mańǵystaý óńiriniń ınvestısııalyq áleýeti jaıly maǵlumat berildi.

Qazirgi tańda Mańǵystaý aýmaǵynda 763 sheteldik kompanııalar jumys isteıdi. Olardyń qatarynda Eýropa, AQSh, Qytaı, Japonııa, Koreıa jáne t.b. 47 elden kelgen mekemeler bar. О́tken aptada óńirdiń ekonomıkalyq damýyna oń serpin beretin jańa jobalar qurylysy bastaý aldy. Onyń biri – quny 1,8 mlrd. AQSh dollaryn quraıtyn metanol men olefın óndiretin zaýyt. О́ndiris oshaǵy «AqtaýTeńizPorty» AEA-da boı kóteredi. Investısııalyq joba 2023 jyly iske qosylady. Zaýyt qurylysyna 4000 jumysshy jumyldyrylady, al zaýyt iske qosylysymen 700-ge jýyq jańa turaqty jumys orny qurylady.

Ekinshisi – Kaspıı teńizi túbinen Ázirbaıjan baǵytyna qaraı talshyqty-optıkalyq baılanys jelisin tóseý jobasy. Quny 60 mln. AQSh dollaryn quraıtyn aýqymdy joba aıasynda 150 jańa jumys orny ashylady. Teńiz túbinde júrgiziletin jeli uzyndyǵy 400 shaqyrymdy quraıdy. Sekýndyna 4-6 terabıt aqparat almasý qýatyna ıe joba Eýropa men Azııa arasyn jalǵaıtyn sandyq telekommýnıkasııalyq dálizdiń negizine aınalady.

Bıyl Mańǵystaý óńirine tartylǵan ınvestısııa kólemi – 445 mlrd. teńgeni qurady. Bul kórsetkish ótken jylmen salystyrǵanda 2,9 paıyzǵa artqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir