• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:53:47
Qazaqstan Ýkraınanyń saýda naryǵyna alańdaýly

26 Qarasha, 2019 Aımaqtar

Mańǵystaý oblysynda bıyl 1,2 mln sharshy metr turǵynúı paıdalanýǵa beriledi

Bıyl Mańǵystaýda «Nurly jer» baǵdarlamasy aıasynda 961 myń sharshy metr turǵyn-úı paıdalanýǵa berildi. Aımaq basshysynyń aıtýynsha, Qazir oblysta quny 22 mlrd.teńgeni quraıtyn 32 joba iske asyrylýda. 

Negizgi maqsat – turǵyndardy, onyń ishinde halyqtyń áleýmettik osal toptaryn (múgedek balalary bar, kópbalaly az qamtylǵan otbasylar, jetim jáne ata-ana qamqorynsyz qalǵan balalar) qoljetimdi turǵyn úımen qamtý. Búginde oblysta atalǵan kategorııada 8 491 otbasy bar.

Bıyl jalpy kólemi 1,2 mln.sharshy metr turǵyn úıdi qoldanysqa berý josparlanyp otyr. Osy úılerdiń biraz bóligi az qamtylǵan otbasylaryna tapsyrylmaq. Sonymen qatar, halyqtyń áleýmettik osal toptaryn qol jetimdi turǵyn-úımen qamtý maqsatynda turǵyn úı sertıfıkattaryn berý (212 sertıfıkat maquldandy, 17 sertıfıkat alyndy) jáne Aqtaý qalasynan páter satyp alý sharalary qabyldandy (1,7 mlrd.teńgege 205 páter).

Mańǵystaýda 191,5 shaqyrym jol jańartylady

Mańǵystaý oblysynda respýblıkalyq, oblystyq jáne jergilikti mańyzdaǵy avtomobıl joldarynyń jańartylýy qyzý júrgizilip jatyr. Oblysta joldyń jaqsy jáne qanaǵattanarlyq jaǵdaıy 92%-dy qurap otyr. Qaıta qurylymdaý jumystary 191,5 shaqyrymǵa jasalmaq.  218,8 shaqyrym jolǵa ortasha jóndeý ótkiziledi. 

Qazaqstan men О́zbekstandy jalǵaıtyn «Beıneý – Aqjigit – О́zbekstan shekarasy» avtojoly kúrdeli jóndeýden ótip, birinshi kezeńi paıdalanýǵa berildi.  Al, ekinshi kezeńi 2020 jyldyń sáýir aıynda aıaqtalady. Qazir «Jetibaı-Jańaózen-Túrkmenistan shekarasy»   avtomobıl jolynyń qurylysy júrýde. 73 shaqyrymdy quraıtyn joldyń quny 14,9 mlrd.teńge.

Oblystyq jáne jergilikti mańyzdaǵy «Aqtaý-Qalamqas» jáne «Taýshyq-Shetpe» avtomobıl jolyndaǵy jasandy ımarattardy qaıta jańartýǵa 872 mıllıon teńge bólindi. Mańǵystaýdaǵy kıeli jerlerge baratyn «Ata joly» avtojoly da qaıta jańarýda. Qazir qurylys-montaj jumystarynyń 90%-y oryndaldy. Quryq aýylynan teńiz portyna deıingi 22 shaqyrym jol da  aıaqtalady. Sondaı-aq «Jyńǵyldy-Shaıyr-Sherkala mekeni» 29,5 shaqyrym joly, «Shetpe-Qyzan» avtomobıl jolyn qaıta qurylymdaý 49-85 shaqyrym ýchaskesi jáne t.b. joldar jańartylýda.

Aımaqta avto joldarynyń jalpy uzyndyǵy - 2846,1 shaqyrymdy quraıdy. Onyń ishinde, respýblıkalyq mańyzdaǵy – 1049 shm bolsa, oblystyq jáne jergilikti mańyzdaǵy – 1 797,1 shaqyrym.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir