• USD 468.56

  • EUR 497.56

  • RUB 7.3

  • CNY 67.18

29 Naýryz, 12:19:49
Almaty
+35°

Úkimettiń kezekti otyrysynda Eńbek jáne halyqty áleýmettik qorǵaý mınıstri Birjan Nurymbetov tabysy tómen jumyskerlerdiń jalaqysyn arttyrý boıynsha atqarylyp jatqan jumystar týraly aıtyp berdi, – dep habarlaıdy Qamshy.kz aqparat agenttigi. 

"Tómen jalaqy alatyndardyń máselesine kelsek, bizde eńbek zańnamasynda tek tómen jalaqy mólsheri rettelgen, basqasynyń bári jumys berýshiniń quzyrynda. Sondyqtan Elbasy joldaýyna sáıkes, jyl basynan beri Qazaqstandaǵy eń tómengi jalaqy mólsheri 1,5 esege – 28 000 teńgeden 42 500 teńgege deıin artty", – dedi Nurymbetov.

Odan bólek, onyń aıtýynsha, 25 AEK deıin, ıaǵnı 63 000 teńgege deıingi kólemde eńbekaqy alyp júrgen azamattardyń salyq júktemesi 10 ese azaıtylǵan.

Eske salsaq, bıyl 1 maýsymnan bastap bıýdjet salasynda jumys isteıtin qyzmetkerlerdiń jalaqysy 30%-ǵa artty. 

"Jyl basynan beri elimizde 2,7 myń kásiporyn az jalaqy alyp júrgen 1,2 mıllıon jumyskeriniń jalaqysyn orta eseppen 32,5%-ǵa kóbeıtti. Áli de bolsa, elimizdegi kásiporyndardyń jartysyna jýyǵy qyzmetkerleriniń tabysyn ósirgen joq. Sondyqtan, kásiporyndar basshylaryn osyǵan atsalysýǵa shaqyramyz. Azamattardyń tabysy ósken saıyn el turǵyndarynyń ál-aýqaty da arta túspek", – dedi eńbek jáne halyqty áleýmettik qorǵaý mınıstri.

Sondaı-aq 2020 jyldan memleket tarapynan bıýdjettik salaǵa qatysty birqatar shara qolǵa alynady. Atap aıtqanda, kelesi jyldyń 1 qańtarynan bastap muǵalimderdiń jalaqysy 25%-ǵa, mádenıet salasyndaǵy qyzmetkerlerdiń eńbekaqysy 35%-ǵa, keıbiriniń jalaqysy 50%-ǵa deıin, áleýmettik sala qyzmetkerleriniń eńbekaqysy 30-60%-ǵa deıin kóbeıedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir