• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:15:38
Qazaqstan Ýkraınanyń saýda naryǵyna alańdaýly

27 Qarasha, 2019 Barlyq aımaqtar

Qazaqtyń aspaptanýshy ǵalymy Bolat Sarybaevtyń keshi ótti

Halyqaralyq TURKSOY uıymy jáne Qurmanǵazy atyndaǵy Qazaq ulttyq konservatorııasynyń uıymdastyrýymen óner-bilim ordasynyń qurylǵanyna 75 jyl tolýyna arnalǵan mereıtoılyq sharalar aıasynda konservatorııanyń májilis zalynda belgili etnoorganolog-ǵalym, ónertanýshy Bolat Sarybaevtyń «Ǵalym murasy» atty kitaby men «Bolat Sarybaev jáne túrki álemindegi etnoaspaptaný máseleleri» atty jınaqtyń tusaýkeser rásimi ótti.

Eki jınaq ta Halyqaralyq TURKSOY uıymynyń demeýshiligimen Almaty qalasynda  jaryq kórgen. Jınaqtardy qurastyrýshylar – ónertaný ǵylymdarynyń kandıdaty, professor Saıda Elemanova, ónertaný ǵylymdarynyń magıstri Sáýle Boranbaeva, ónertanýshy Fatıma Nurlybaeva.

Otandyq mýzykatanýshy ǵalymdar, zııaly qaýym ókilderi, ǵalymnyń jaqyn týystary, stýdentter men oqytýshylar qatysqan jıyndy Halyqaralyq TURKSOY uıymynyń Qazaqstandaǵy ókili Asqar Abdýalıuly Turǵanbaev ashyp, sóz kezegin Qurmanǵazy atyndaǵy QUK ǵylymı jumys jáne halyqaralyq yntymaqtastyq jónindegi prorektory, ónertaný kandıdaty  Ǵalııa Zaınaqulqyzy Begembetova aldy. О́z kezeginde sóz alǵan professor Saıda Elemanova, professor Bazarhan Qosbasarov, ó.ǵ.d., professor Sáýle О́teǵalıevalar Bolat Sarybaevtyń qazaq aspaptaný ǵylymyna qosqan erekshe úlesin sóz etse, ǵalymnyń qaryndasy Dına Sarybaı uıymdastyrýshylarǵa alǵys sezimin jetkizdi. Sazsyrnaıshylar, jetigenshiler, qylqobyzshylar ansamblderi jáne sybyzǵy aspabynda oryndalǵan  áserli áýender otyrysqa erekshe mán berip, sánin kirgizdi. Sondaı-aq tusaýkeser rásimine Bolat Sarybaevtyń kelini Gúlnar Batyrbekova, nemereleri jáne jaqyn týystary da qatysyp otyrdy.

Bolat Shamǵalıuly Sarybaev (1927-1984) – kórnekti etnoaspaptanýshy ǵalym, qazaq etnoaspaptanýynyń negizin qalaýshy, qazaqtyń kóne mýzykalyq aspaptarynyń tuńǵysh ret tolyq ǵylymı sıpattamasyn jasap tereń zerttegen jáne olardy qaıta jańǵyrtyp, dybystalýy men tartylý ádisterin qalyptastyrǵan tulǵa. Ol Qurmanǵazy atyndaǵy Almaty memlekettik konservatorııasyn qobyz klasy boıynsha bitirip, halyq aspaptar kafedrasynda birneshe jyl qyzmet atqarǵan.

«Ǵalym murasy» atty alǵashqy jınaqqa ǵalymnyń maqalalary men qujattary, eńbekteriniń bıblıografııasy, fotomaterıaldary men ǵalym týraly estelikter jáne qazaq etnomýzykatanýshylarynyń Bolat Sarybaev týraly zertteý maqalalary toptastyrylǵan. Al, ekinshi jınaqqa «Qorqyt jáne Uly Dala sazy» halyqaralyq folklorlyq-mýzykalyq óner festıvali aıasynda ótkizilgen «Bolat Sarybaev jáne túrki álemindegi etnoaspaptaný máseleleri» jáne «Qorqyt Ata murasy: epıkalyq mádenıet, halyq ańyz áńgimeleri jáne áýenderi» halyqaralyq ǵylymı-teorııalyq konferensııalarynyń materıaldary engizilgen.

«Túrki áleminiń IýNESKO-sy» degen atpen tanylǵan TÚRKSOI (Túrki mádenıetiniń halyqaralyq uıymy) 25 jyldan astam ýaqyt boıy túrki áleminiń mádenı murasyn halyqaralyq deńgeıde nasıhattaý, saqtaý jáne zertteý jumysyn belsendi túrde atqaryp keledi. Halyqaralyq uıym jyl saıyn túrki áleminiń mádenıeti men ónerin damytý maqsatynda túrli mádenı-shyǵarmashylyq sharalar (konsertter, kórmeler, plenerler, kezdesýler, qoıylymdar, ǵylymı-praktıkalyq konferensııalar jáne t.b.) uıymdastyryp otyrady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir