• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 19:03:17
Qazaqstan Ýkraınanyń saýda naryǵyna alańdaýly

26 Qarasha, 2019 NEWS

Almatylyqtar medısınalyq saqtandyrýǵa 47,3 mlrd teńge aýdardy

2017 jyldyń 1 shildesi jáne 2019 jyldyń 21 qarashasy aralyǵynda Medısınalyq saqtandyrý qoryna 230 mlrd teńge qarjy jınaqtaldy. Bul týraly «Áleýmettik medısınalyq saqtandyrý qory» KEAQ Almaty qalalyq fılıalynyń dırektory Tileýhan Ábildaev habarlady.

«Almaty qalasy jarnalar men aýdarymdardyń kólemi jaǵynan respýblıka boıynsha kósh bastap tur – jınaqtalǵan somanyń besten bir bóligi ońtústik astanalyqtarǵa tıesili. Jalpy, saqtandyrý júıesi iske qosylǵan 2017 jyldyń 1 shildesinen 2019 jyldyń 21 qarashasyna deıingi aralyqta Almaty qalasynan qorǵa 47,3 mlrd teńge jarna aýdaryldy. Onyń 44,8 mlrd teńgesi – jumys berýshilerdiń qaramaǵyndaǵy jumyskerler úshin jasaǵan aýdarymdary», – dedi T.Ábildaev.

Sondaı-aq, jyl basynan beri ózin-ózi jumyspen qamtyǵan 4900 adam 16,7 mln teńgeni quraıtyn biryńǵaı jıyntyq tólem tólegen.

Esterińizge sala ketsek, biryńǵaı jıyntyq tólem elimizde 2019 jyldyń 1 qańtarynan bastap engizilgen bolatyn. Jıyntyq tólemniń ishinde ózge áleýmettik tólemderge qosa saqtandyrý jarnasy da bar. Ol jalpy somanyń 40 paıyzyn quraıdy.

BJT – respýblıkalyq mańyzy bar qalalar úshin 1 aılyq eseptik kórsetkish (AEK) nemese 2525 teńge, aýyldyq jerler úshin – 0,5 AEK nemese 1263 teńge kóleminde belgilengen. Tólemniń bul túrin frılanserler, santehnıkter, qurylysshylar, taksı júrgizýshileri t.b. tóleı alady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir