Erlan Tóleýtaı: Ulttyq býrjýazııa bolmaı, partııa quram deý – dalbasa!

Belgili ónertanýshy, dástúrli ánshi Erlan Tóleýtaı saıasat pen bılik, jańa partııalardyń qurylýy týraly "Qajet" ıýtýb kanalyna bergen suhbatynda tilge tıek etti, – dep jazady  Qamshy.kz aqparat agenttigi.

Suhbat barysynda ónertanýshy "Eshqandaı partııaǵa múshe emespin!" dep búgingi saıası ahýal, mádenıet, ulttyq óner jaıly kóptiń kókeıinde júrgen máseleni kóterdi.

"Jastaý kezimde partııa quram deýshi biraz azamattarmen aralastym. Bulardyń barlyǵy oıyn eken. Men ótkende "Eger ulttyq býrjýazııa bolsa" degen taqyrypta maqala jazyp, óz oıymdy aıttym. Bizde ulttyq býrjýazııa bolmaı, partııa quram deý –  dalbasa tirlik! О́ıtkeni, partııa quram dep júrgen jigitterdiń eshqaısysynyń qaltasynda kók tıyn aqshasy joq. Al partııa degen seniń esebińde aqsha bolmasa, alǵa jyljymaıdy.

Asanqaıǵy, Buqar jyraýlardyń  "Qansha sheshen bolsa da, daýǵa salma malsyzdy" degen sózi bar ǵoı. Mynalar – malsyzdar. Bulardyń maly joq, qalaı partııa qurady?  Partııa quratyn, el bıleıtin adamnyń mańdaıy jarqyrap turady. Bir partııany alyp shyǵatyn adamnyń tulǵasynan belgili bolyp turady. Biz ondaı keremet tulǵa kórgen joqpyz. Kezinde eldiń bári Qosanovty bizdiń kósemimiz, eldi alǵa alyp shyǵady dep oılady. Buqaranyń balalyq aýrýy áli tarqaǵan joq. Bizdiń saıası prosester áli balań kúıde júr. Kim shyqsa boldy, sol – kósem. Bireý jaqsy sóz aıtyp jibersinshi, halyq sonyń sońynan eredi.

"Áı, halqym, men bılikke qarsymyn!" dese boldy, sonyń sońynan júgiredi. Másele olaı sheshilmeıdi ǵoı. Saıasatta parasat pen parasatty tulǵa bolýy kerek. Qosanovtyń saıası kúresker bolyp jarytpaıtyny kózinde turdy. Sol kezde myna kisi aıaǵyna deıin barmaıdy, erteń kóresińder dep aıtqanymda, bári meni halyq jaýy sanady. Ulttyń qaıratkerin tanıtyn ulttyq ınstınkter ólip qalǵan. Halyqtyq-ulttyq saıasatkerler joq. Ulttyq býrjýazııa bolmaı, ulttyq partııa qurylmaıdy. Sondyqtan osyndaı shóre-shóre partııalar júre beredi. Bılikke rahat, olarmen kúresý ońaı, jeńiske jete salady", –  dep azamattyq pikirin ashyq bildirdi.

Odan ózge Erlan Tóleýtaı  bılik pen saıasatqa 30-40 jastaǵy azamattardyń kelgeni durys degen oıyn bildirdi.

"Qazir mádenıetke kómektesip jatqan baıshykeshti tabasyz ba, joq. Olardyń óz ultyna jany ashymaıdy. Jany ashymaǵan olar, ulttyq partııaǵa aqsha salyp qaıtedi!? Qoǵam táýelsizdiktiń balalyq aýrynan áli aıyqpaǵan. Endi jańa tolqyn kelýi kerek. 50-60-70-ke kelgender jyly jaýyp qoıý kerek. Endigi úmit 30-40 jastaǵylarda. Olar dúnıeni ózgertedi. Bizden túk shyqpaıdy. Bizdiń býyn, bizden úlken býyn 30 jylda ábden tozdy, sarqyldy. Túk isteı almadyq", – dep sózin túıindedi..