Alpysqa keletin Tajın Aqordadan alysqa ketti

Nazarbaev júıesiniń bas ıdeology bolǵan Marat Tajın Eýropa asty. «Qart qurlyqqa» ketti. Endi  jyraqta júrip Nazarbaev pen Toqaevtyń, eldiń  syrtqy saıasatyn júrgizetin bolady.

Ol keler jyly alpysqa keledi. Alpys-tal tús...

Biraq másele mynada: biz Tajınniń ult úshin jasaıtyn utymdy jobalaryn, ıntellektýaldyq potensıalyn tolyqqandy paıdalana aldyq pa?

Ol ákim bolǵan joq. Oblystan oblysqa aýysyp, ákim qaranyń shekpenin kıgen joq. Ol únemi Aqordada júrdi.

Prezıdent ákimshiliginde istedi.

Ol memlekettik hatshy boldy.

Qaýipsizdik Keńesiniń hatshysy qyzmetin atqardy.

Syrtqy ister mınıstri boldy.

Qazaqstannyń Reseıdegi elshisi qyzmetinde júrdi.

Sosyn Aqordaǵa qaıta oraldy.

Ultqa qatysty utymdy jobalardyń barlyǵynyń basy-qasynda Marat Tajın júrdi.

Ol Qazaqstan saıasatyndaǵy aýyr salmaqty taza, adal saıasatker edi.

Onyń atynan sóz ergen joq.

Ol bylyq-shylyqtan, jemqorlyqtan boıyn aýlaq ustady.

"Biraq onyń saıasattaǵy dáýiri aıaqtaldy" dep boljam jasaýǵa bola ma?

О́ıtkeni onyń pensııaǵa shyǵýyna úsh-aq jyl qaldy.

Onyń qazaqqa qatysty  «Tarıh tolqynynda», «Mádenı mura», «Rýhanı jańǵyrý» baǵdarlamasynyń ózi nege turady.?

... Ol endi Chehııada turady.