Nazarbaev saılaýaldy baǵdarlama ázirleýdi tapsyrdy

"Nur Otan" partııasynyń árbir óńir, qala jáne aýdan boıynsha saılaýaldy baǵdarlamasy ázirlenýi tıis. Bul týraly "Nur Otan" partııasynyń óńirlik fılıaldary ókilderiniń qatysýymen ótken keńeste QR tuńǵysh Prezıdenti Nursultan Nazarbaev aıtty, – dep Qamshy.kz aqparat agenttigi habarlaıdy.

 "Nur Otan" partııasynyń tóraǵasy árbir óńir, qala jáne aýdan boıynsha saılaýaldy baǵdarlamanyń daıyndalýyn qamtamasyz etýdi tapsyrdy.

"Kelesi jyly aýmaqtardy damytýdyń bes jyldyq baǵdarlamasyn júzege asyrý aıaqtalady. Jańa baǵdarlama qabyldaý qajettiligi jańa elektoraldyq sıklmen tuspa-tus kelip tur. Sondyqtan jańa baǵdarlama árbir óńir boıynsha máslıhat saılaýyna arnalǵan partııanyń saılaýaldy baǵdarlamasynyń negizi bolýy tıis. Májilis saılaýyndaǵy Nur Otan partııasynyń saılaýaldy baǵdarlamasyna qatysty aıtar bolsam, onda Premer-Mınıstr saıası keńes bıýrosynyń múshesi retinde bul jumysty jeke basqarýy qajet jáne qazirden bastap bul baǵdarlamany ázirleýge kirisýi tıis", - dedi Qazaqstannyń tuńǵysh Prezıdenti.