Búgin, 25 qarasha kórnekti alash qaıratkeri, «Alash» avtonomııasy men Alashorda úkimetin qurýda kóp eńbek sińirgen birtýar tulǵa, aqyn, jazýshy Mirjaqyp Dulatuly týǵan kún. "Oıan, qazaq!" dep  urandatyp, halqynyń azattyǵyn ańsaǵan aqynnyń týǵan kúnine oraı qanatty sózderge aınalǵan óleń joldaryn usynamyz.

– Árkim óz qolynan kelgenshe jomart;

– El shaýyp kisi óltirgen bop pa batyr;

– Bilgenge – qıyn emes ketý baıyp;

– Artyqtan taǵylym al, kemge – úıret;

– «Moldanyń ókshesi qısyq degen kisi de kúnáli bolady» dep júrgen adamdar da bar;

– Bilgenge – ıshara, bilmeske – qor;

– Qazaqta jazylmaıtyn bir aýrý bar – Kelmeıdi minin aıtsań jaratqysy;

– Aǵaıyn – arzan, pul – qymbat;

– Aıtý – bizden, isteý – sizden;

– О́ziń bilgenińdi halqyńa úıret;

– Dúnıede kedeılik joq ónerpazǵa;

– Ǵylym úıren – kóziń ashylady;

– Halyq paıdasyn aqylmen ister bolar;

– Bolǵanda boıda qýat júrgen jaqsy;

– Aıaǵyń bir kún qyldan keter taıyp;

– Otyrma bir orynda qur muńaıyp;

– Ar-namys, mahabbat bolmaǵan jerde adamshylyq tura ma?;

– Sot túzelmeı – halyq túzelmeıdi;

– Alla jaqyn keýdede oty barǵa;

– Arshyn jutqan kisideı kekireıme;

– Qus – torǵa, balyq – aýǵa, batyr – jaýǵa;

– Zań ádet-ǵurypqa qaıshy kelse – úlken aıaqqa tar etik kıgenmen birdeı;

– Ne jaman? – Qyzdyrmanyń qyzyl tili jaman;

– Maıda bol jigit bolsań tal jibekteı;

Jaqsy emes qatty bolý tikenekteı.

Ǵylymyń bolsa daǵy ushan-teńiz,

Paıda joq óz halqyńa qyzmet etpeı;

– Halyq taǵdyry – karta oıyny emes;

– Ákede de áke bar, balada da – bala bar;

– Dos emes dos syrtynan jamandaǵan;

– Qul deseń bıdi – kúledi, Qul deseń quldy – óledi;

– Alys pen jaqyn oıly bolmas joldas;

Qas qylǵan joldasyna jigit ońbas;

– Boı tejeý, júreksiný durys emes,

Shashylǵan rızyqty terip tatpaı.

Jigittiń nesi jigit bosqa júrgen,

Qyzmetpen paıda berip, halyqqa jaqpaı?!;

– Qyzyǵy bul jalǵannyń – mal menen bas;

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir